Kusokolola Ukwapeezilwe Kuli Yoani 7:1-17
7 Pa cisila cakwe vii, naweni ya malaika 4 yaimi pa makoona 4 aa nsi, yalemile imiza 4 iya nsi, pakuti kutaya umuza uwa kupungila pano nsi, nanti pali yemba nanti pa muti uli onsi.
2 Nupya naweni malaika muze akufuma ukukatunkila ilanzi, wali ni cilematikilo cakwe Leza wa umi; nupya wapunzile ni izwi likalamba kuli ya malaika 4 aapeezilwe maka ya konona insi na yemba,
3 ati: “Mutonona insi nanti yemba nanti imiti, kufikila lino twalematika+ aomvi yakwe Leza ivimanyililo pa vipuma vyao.”+
4 Nupya nuvwile impendwa yakwe yano yalematiikwe ivimanyililo, yaali 144,000,+ aalematiikwe ukufuma umu mitundu yonsi iya yana yakwe Izlaeli+ aeya:
5 Mu mutundu wakwe Yuda aalematiikwe yaali 12,000;mu mutundu wakwe Lubeni 12,000;mu mutundu wakwe Gadi 12,000;
6 mu mutundu wakwe Aseli 12,000;mu mutundu wakwe Nafutali 12,000;mu mutundu wakwe Manase+ 12,000;
7 mu mutundu wakwe Simyoni 12,000;mu mutundu wakwe Levi 12,000;mu mutundu wakwe Isakali 12,000;
8 mu mutundu wakwe Zebuluni 12,000;mu mutundu wakwe Jozefu 12,000;alino nu mu mutundu wakwe Benjamini namo yaali 12,000.
9 Pa cisila cakwe vii, naweni iumba ilikalamba lino kusi umuntu nanti awenga aangapenda, lyafumile umu nko zyonsi, umu mitundu, umu yantu nu mu ndimi,+ nupya yaimi pa nkoleelo ya cilimba ca wene na pa nkoleelo ya Mwana wa Mfwele, ala yazwite imingila itiswe;+ nupya yalemile imisambo ya tuncindu umu minwe yao.+
10 Nupya yapundanga yakuti: “Ipusukilo likafuma kuli Leza witu, uwikala pa cilimba ca wene,+ nu ku Mwana wa Mfwele.”+
11 Ya malaika yonsi imiliile ukuzinguluka icilimba ca wene na ikolo+ ni viumbwa vya umi 4, nupya yafukime pa nkoleelo ya cilimba ca wene nu kupepa Leza,
12 ala yakuti: “Ameni! Lekini ilumbo, lulumbi, mano, kutaizya, mucinzi, ukateeka na maka viye kuli Leza witu amanda pe.+ Ameni.”
13 Lyene wenga pa ikolo wanguzizye ati: “Uzye yaa atiyazwala imingila itiswe,+ aaweni nupya aekwi kuno yafuma?”
14 Lilyo kwene sile namwaswike inti: “Mwene, wewe umanyile.” Nupya wanenyile ati: “Yaa yafuma umu ucuzi ukalamba,+ nupya yafula imingila yao nu kuilenga ukuya itiswe umu wazi wa Mwana wa Mfwele.+
15 Uli mulandu uno yayelile pa nkoleelo ya cilimba cakwe Leza, nupya yakamuombela umusanya nu usiku umwi tempele lyakwe; nu wikala pa ciilimba ca wene+ alavungulula itenti lyakwe pali aliyo.+
16 Yataluvwapo inzala nupya nanti ulusala, nanti sile akasanya katalayoca nanti icikailila,+
17 pano Umwana wa Mfwele+ uwaya pakasi ka cilimba ca wene, alayacema+ nu kuyatwala uku tufukoka twa manzi ya umi.+ Nupya Leza alayakumbula minsozi.”+
