Ezila 6:1-22
6 Lyene Umwene Dalyusi wisileko isunde, nupya yalondelizye muno yasungilanga ivyalembwa vya mpiti ni mpiya umu Babiloni.
2 Yazanyile ulupapulo umu ncende ya malinga umu Ekibatana, umu citungu ca Medya, nupya pa lupapulo lulo pali amazwi yaa:
3 “Umu mwaka wa kutandikilako uwa kuteeka kwa Mwene Sailasi, Sailasi wisileko isunde ukulozya uku ng’anda yakwe Leza umu Yelusalemu+ ilyakuti: ‘Lekini ing’anda ikuulwe cipya cipya pa ncende ino yalaapeelelapo malambo, nupya imifula ikayele paapa kwene pano yayelile mpiti; ukuya umupela ikaye mamita umupipi na 27* nu muwipi namo ikaye mamita+ umupiipi na 27.
4 Mu ciumba mukikemo malaini yatatu aamawe akalamba nu mulaini onga uwa mbao;+ nupya impiya zyonsi izilaomviwa zikafume ukwi sano.+
5 Nupya iviya vyakwe goldi na vyakwe siuva ivya mu ng’anda yakwe Leza vino Nebukadineza wasenzile umwi tempele ilyali umu Yelusalemu nu kuvitwala uku Babiloni,+ vice viswilile nu kwikala paapa kwene pano vilinzile ukuya umu ng’anda yakwe Leza+ umu Yelusalemu.’
6 “Fwandi lyene Tatenai, we mulasi wa ku citungu icayela uku mbalama ya Luzi Lwa Yufuleti, na aomvi yauzo kuli kuti alasi yanono aku citungu icayela ku mbalama ya Luzi Lwa Yufuleti+ na Shetali-bozenai, mute ukuyako uku Yayuda.
7 Mutapumvyanya umulimo wa kukuula ing’anda yakwe Leza. Umulasi wa Yayuda na aakalamba ya Yayuda yalakuula ing’anda yakwe Leza cipya cipya paapa kwene pano yayelile.
8 Nupya isunde lino nkumupeela pali vino mulinzile ukucitila akalamba ya Yayuda aakukuula cipya cipya ing’anda yakwe Leza aeli: Mulinzile ukuyapeela zuwa zuwa impiya izikulondekwa pakuti umulimo uwo utapumvyanyiziwa,+ nupya impiya zizyo zilinzile ukufuma pa mpiya zya ene,+ kuli kuti umusonko uwaposilwe umu citungu icayela ku mbalama ya Luzi Lwa Yufuleti.
9 Nupya cila wanda muce mwayapeela vyonsi ivikulondekwa kuli kuti ing’ombe,+ imfwele izikalamba+ ni zinono+ izya kupeela malambo ya koca kuli Leza wa kwi yulu, ingaano,+ umusilya,+ waini+ na mafuta+ kulingana na vino ya simapepo ya mu Yelusalemu yalaamunena,
10 pakuti yakatwalilile ukupeela malambo aakazanzya Leza wa kwi yulu nu kupepelako umwene na ana yakwe.+
11 Nupya ndi cakuti umwi wakana ukuvwila isunde lii, yalatoola ulumbao ukufuma uku ng’anda yakwe, yakamukwezye nu kumupoopela uku lumbao kwene lulo ni ng’anda yakwe ilasangulwa ukuya icimbusu* ca yantu yonsi.
12 Nupya si Leza uwika izina lyakwe umu Yelusalemu+ aonone umwene wensi na antu asikulondela isunde lii nupya aakonona ing’anda yakwe Leza iyaya umu Yelusalemu. Nene kwene ne Dalyusi nikako isunde lii. Nupya cii cicitike zuwa zuwa.”
13 Lyene Tatenai umulasi wa ku citungu icayela uku mbalama ya Luzi Lwa Yufuleti, Shetali-bozenai+ na aomvi yauze, lilyo kwene sile yacisile vino Umwene Dalyusi wayanenyile.
14 Nupya aakalamba ya Yayuda yatwalilile ukukuula, nupya umulimo wayanga pa nkoleelo,+ pano kasesema Hagai+ na kasesema Zekaliya+ umwizikulu wakwe Ido yayakomelezyanga; yamazile umulimo wa kukuula kulingana na vino Leza wa Ina Izlaeli+ walanzile nu kulingana na vino Sailasi,+ Dalyusi+ nu Mwene Alitakisesi+ uwa ku Pesha yalanzile.
15 Yamazile ukukuula ing’anda yakwe Leza pa wanda uwalenga citatu umu mwezi wakwe Adali* umu mwaka uwalenga 6 uwa kuteeka kwa Mwene Dalyusi.
16 Aina Izlaeli, ya simapepo, Aina Levi+ na yonsi ashala awezile ukufuma umu uzya yapeezile ing’anda yakwe Leza ni nsansa.
17 Nupya pa kupeela ing’anda yakwe Leza yapeezile malambo yaa: ing’ombe 100, ya suuku akalamba 200, na ya suuku anono 400, nupya yapeezile ya sawe 12 ukulingana ni impendwa ya mitundu ya Ina Izlaeli pakuti yaye ilambo lya pa luyembu pa Ina Izlaeli+ yonsi.
18 Nupya yasonsile ya simapepo ukulingana na maumba yao na Ina Levi ukulingana na maumba yao pakuti yaomba imilimo yakwe Leza umu Yelusalemu+ kulingana ni vyalembwa umwi buku lyakwe Mose.+
19 Nupya awezile umu uzya yazevizye Ucilo pa wanda uwalenga 14 umu mwezi wa kutandikilako.+
20 Ya simapepo na Ina Levi nayo kwene yaisangulwile, fwandi yonsi yali asanguluke;+ yakomiile yonsi awezile mu uzya ilambo lya ucilo, kumwi na ya simapepo ashala na ineco kwene.
21 Lyene Aina Izlaeli awezile ukufuma umu uzya yaliile ilambo lilyo kumwi sile na yonsi ailunzile kuli aliyo, aatiile ukucita ivintu ivikowele vino antu yauze aikalanga umu mpanga iya Yayuda yacitanga pakuti yatandike ukupepa* Yeova Leza wa Ina Izlaeli.+
22 Nupya yazevizye ni nsansa Umutebeto wa Mukate Uwaula Icitutumusi+ pa manda 7, pano Yeova wayalenzile ukuti yasansamuke nupya walenzile umwene uwa Ina Asilya ayatemwe+ icakuti wayatungilile umu mulimo wa kukuula ing’anda yakwe Leza wa cumi, kuli kuti Leza wa Ina Izlaeli.
Mafutunoti
^ Mu Cialamaiki: “Makyubiti 60.” Lolini Ivyeo na Vyuze pa B14.
^ Nanti limwi, “citumba.”
^ Lolini Ivyeo na Vyuze pa B15.
^ Mu Cialamaiki: “Kulonda.”
