Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi  |  Na. 1 2017

Umu nsi mwavulisya uyi, nomba uzye a Leza aakalenga?

Uzye Baibo Ikalanda Ukuti Uli?

Uzye Baibo Ikalanda Ukuti Uli?

Uzye Leza aaliwe akalenga ukuti twacula?

Uzye mungati:

  • Ee

  • Awe

  • Limwi

Vino Baibo ikasambilizya aevi:

“Leza asicita icintu iciipe, awe. Wamaka yonsi asifyenga umuntu foo!” (Yobo 34:10) Leza asi aaliwe akalenga intazi nanti ucuzi uno tukalola umu nsi ii.

Na vyuze vino tukasambilila muli Baibo aevi:

  • Satana Ciwa, “kateeka wa nsi ii,” aliwe akalenga ukuti antu yacula.—Yoane 14:30.

  • Na cuze icikalenga ukuti uyi wacitika, i vintu viipe vino antu yakapingulapo ukucita.—Yakobo 1:14, 15.

Uzye ukucula kulatala kusile?

Antu yamwi yazumila ukuti ukucula kungasila ndi cakuti antu yatandika ukuombela pamwi, lyene yauze nayo yakalola ukuti ivintu umu nsi ii vikuya vikwipilako sile. Uzye mwemo mungati uli?

Vino Baibo ikasambilizya aevi:

Leza alasisyapo ukucula. “Kutalaya imfwa nupya. Kutalaya ukulosya nanti ukulila, nanti ukuvwa ukuwaika.”—Umbwilo 21:3, 4.

Na vyuze vino tukasambilila muli Baibo aevi:

  • Leza alaomvya Yesu Klistu ukuti aliwe ace asisye ukucula konsi kuno Ciwa akalenga kwacitika.—1 Yoane 3:8.

  • Antu asuma yalikala umutende pano nsi amanda pe.—Masamu 37:9-11, 29.