Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi  |  Novemba 2015

Ukwasuka Mauzyo Amuli Baibo

Ukwasuka Mauzyo Amuli Baibo

Uzye kulaya insi umutalaya uupina?

Uzye Leza alacita uli pakuti ace afumyepo uupina pano nsI? —Mateo 6:9, 10.

Antu aingi sana yakafwa cila mwaka pa mulandu wakulizya ivyakulya. Nanti cakuti kwaya impanga zimwi umwaya sana ivyuma, lelo antu aingi yakacula sana ku nzala. Baibo ikatuneena ukuti antu yakacula pa mulandu wa upina.—Welengini Yoane 12:8.

Fwandi pano nsi pakalondekwa uteeko uwa kuti uce ufumyepo upina. Uteeko uwo ufwile ukuya u wa maka, ungakwanisye ukupeela antu vyonsi vino yakalondeka alino nu kufumyapo inkondo iikalenga ukuti kwaya sana upina. Leza watulaya ukuti alaleta uteeko kwene uwo ulafumyapo upina.—Welengini Danieli 2:44.

A weni angafumyapo uupina?

Leza wasonta Umwanakwe, Yesu, ukuti akateeke antunze. (Masamu 2:4-8) Yesu alatuula antu yonsi aulilwa nupya alafumyapo ulufyengo nu unkalwe.—Welengini Masamu 72:8, 12-14.

Baibo yasoowile ukuti Yesu wino aali inkombe ya mutende, alaleeta umutende wa cumicumi pano nsi. Lyene antu yonsi yalaikala umu mang’anda yao, ukuipakizya imilimo, nupya yalakwata ivyakulya ivingi cuze.—Welengini Ezaya 9:6, 7; 65:21-23.