Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi  |  Febuluwale 2015

Twalililini Ukulondesya Ukusimikila

Twalililini Ukulondesya Ukusimikila

UKUSIMIKILA ilandwe lisuma aali mulimo ucindame sana uno ukaombwa ndakai umu nsi yonsi. Vino mwemwe aomvi yakwe Yeova, mukalola ukuti ukuombako umulimo uu uwa kupanga asambi, i cintu icicindame wakwe cimwi. Nomba, mungazumila ukuti kukaaya insita zimwi lino yapainiya na ya kasimikila cikayatalila ukutwalilila ukulondesya ukusimikila.

I cani icingamwazwa ukutwalilila ukulondesya ukusimikila?

Ya kasimikila yamwi cikayatalila apa kuti yazane uwa kuti yalanzyanye lino yakusimikila uku ng’anda ni ng’anda. Limwi, antu aingi mu vifulo vya kuombelamo, yatanga yazanwe apa ng’anda. Na lino antu yazanwa apa mang’anda, limwi yangakana ukuvwa ilandwe lya Wene nanti limwi yangatuzinga. Ya kasimikila yamwi yene, yangalola ukuti iciyakomela sana pano yaakwata icifulo icikulu nupya mukafuma ivisuma lino yakusimikila, lelo yakatiina ukuti umulimo wakulisya yatanga yaombe yonga. Nakupya ya kasimikila yamwi umu cilongano yaomba umulimo wa kusimikila apa myaka ingi sana—kucila vino yelenganyanga, nupya calenga ukuti yatoovoke.

Uzye tungazunguka ukuti antu yakwe Yeova yakaaya ni ntazi izingayavulunganya ukuti yatatwalilila ukuomba umulimo wa kusimikila? Awe. Pano, lino tukukosoola ilandwe lyakwe Leza ililapususya antu, kuusi aangenekela ivintu ukuziipa umu nsi ikatungululwa nu “mwipe,” kulikuti Satana Ciwa—1 Yoane 5:19.

Nanti muli ni intazi lino mukukosoola ilandwe lisuma, mwataila ukuti Yeova angamwazwa ukucimvya intazi ziizyo. Nomba, uzye mungacita uli pakuti mutwalilile ukutemwa umulimo witu uwa kusimikila? Lekini tusambilile pali vimwi ivingamwazwa.

MWA-AZWA AATAATALA YAELEZYA UKUSIMIKILA

Cila-mwaka antu aingi yakawatiziwa nukuya ya Nte Yakwe Yeova aapya. Ndi cakuti patalengiile pano mwaipeeliile kuli Leza nu kuwatiziwa, ukwaula nu kutwisika mukataizya apa visuma vino mwasambilila kuli yaayo aatandika mpiti ukusimikila kucila mwemwe. Alino ndi cakuti mwemwe yakakosoola ya Wene apa myaka iingi, uzye citanga ciziipe ukwazwa yaayo aataatala yaelezya ukusimikila?

 Yesu wamanyile ukuti asambi yalondekwanga ukuyatungulula pakuti yaye yakakosoola yasuma, nupya walangiliile na vino umulimo ulinzile ukuombwa. (Luka 8:1) Na ndakai kwene cikulondekwa ukwazwa sana yauze pakuti yaye ya kakosoola ya suma.

Tutalinzile ukwelenganya ukuti kasimikila umupya alamanya ivya kusimikila ndi akuya sile umu kusimikila. Pafwile ukuya umwi uwaya ni cikuuku nu kutemwa pakuti amwazwa ivyakucita apa kusimikila. Apa kusambilizya wino aataatala waelezya ukusimikila, mufwile ukumulanga vii: (1) ivya kupekaanya nu kuelezya ivya kuyalanzyanya, (2) ivyakucita pakutandika ukulanzyanya nu muntu, (3) ivya kusiila antu lupapulo, (4) ivyakucita pakuswilila kuli wino akulondesya ukusambilila, na (5) ivya kutandika Isambililo Lya Baibo. Kwaula nu kutwisika, ndi cakuti akulola nu kuomvya inzila zino aakumusambilizya akuomvya pakusimikila, cilalenga ukuti akaomba ningo umulimo wa kusimikila. (Luka 6:40) Tutaanga tutwisike ukuti kasimikila umupya alataizya sana apa kukwata umuntu wiiyo wino akamuvwikisya nu kumwazwa umukulondekwa. Nga mukutaizya nu kwazwa kasimikila aataatala waelezya ukusimikila, alaya ni nsansa sana.—Kasa. 4:9, 10.

MWALANZYANYA NA WINO MUKUSIMIKILA NAWE

Nanti icakuti mungezya ukulanzyanya na antu lino mukusimikila, insita zimwi ukulanzyanya na wino mukusimikila nawe kukaziipa sana. Iusyini ukuti Yesu watumile asambi yakwe umu kusimikila “yaili yaili.” (Luka 10:1) Lino yaombanga, yalanzyanyanga nu kukomelezyanya. Fwandi lino mukusimikila na kapepa muzo i kaaya insita isuma iya kukomelezyanya.—Loma 1:12.

Uzye ivyani vino mungalandapo? Uzye wenga pali mweili aatakwata vino angasimikilako umuze ivya kumukomelezya? Uzye mwazanyile icisinka cimwi cisuma sana lino mwaisambilizyanga nanti apa kupepa kwa lupwa? Uzye mwakomeleziiwe pali vino muvwile apa kulongana? Limwi cingacitika ukuti kasimikila wino mwaomba nawe, asi aali wino mukaomba nawe lyonsi. Uzye mwamanya vino caali pakuti asambilile icumi? I cani icalenzile azumile ukuti lii iiuvi lyakwe Yeova? A masyuko ci yano wakwata nanti i vyani ivyamucitikiilepo? Limwi mungamusimikilako vino vyamucitikiilepo. Nanti antu yangatukaanya lino tukulonda kuti tuyasimikile, ukuomba na umwi umu mulimo cikaalenga ukuti ‘twa-azwana.’—1 Tesa. 5:11.

 MWAISAMBILIZYA LYONSI

Ukuisambilizya mweineco, i cintu icicindame sana pakuti mutwalilile ukulondesya ukusimikila. ‘Muomvi mutailwe uwa mano’ akaalemba amalyasi pali vino vingatwazwa ukucita viivyo. (Mate. 24:45) Fwandi kwaya amalyasi aingi sana aangamwazwa ukusambilila ivyaya muli Baibo. Lekini tusambilile apilyasi lisuma lino mungaomvya apa kuisambilizya, ilyakuti: U mulandu ci uno umulimo uwa kukosoola apa Wene wacindamila sana? Imilandu imwi, yati-tantikwa umu kambokosi.

Ukusambilila ivyeo ivili umu kambokosi kungamwazwa ukuti mwatwalilila ukulondesya ukusimikila sana. Nga mwemo, uzye lino mukuisambilizya, mutanga mulole imilandu ino mungatantika ukulunda pali iiyo ili umu kambokosi? Alino lyene mwelenganye apa milandu kwene iiyo alino na malembelo aakukomya imilandu iiyo. Nga mwacita vivyo, ukwaula nu kutwisika cilamwazwa ukutwalilila ukuombesya umu mulimo wa kusimikila.

MWAIUSYA UKUOMVYA INZILA IZINGI IZYA KUSIMIKILILAMO

Iuvi lyakwe Yeova likatupeela lyonsi inzila izya kutwazwa pakuti twaomba ningo umulimo witu uwa kusimikila. Ukulunda pakusimikila uku ng’anda ni ng’anda, tungaomvyako ni inzila na zyuze, limwi tungaomvya kalata, foni, kusimikila umu museo nanti umu vifulo vimwi ivikazanwamo sana antu, nu kusimikila antu konsi kuno tuli alino nu mu vifulo vya uculuzi. Limwi tungaatantikako ukuombela umu vifulo ivisiombelwamo sana.

Uzye mukaiusya ukuomvyako inzila zii? Uzye mwatala mwezyapo ukuomvya inzila zimwi pali zii? Aingi aomvyapo inzila zii yaaya sana nu luzango pano yazanamo ivisuma. Lekini tulande pali yamwi aomvyapo inzila zimwi zitatu.

 Inzila yakutandikilapo, ukulanda pali vino vyalanzilwe umu cipande cimwi umu Mulimo Witu Uwa Wene ivyalandanga apa kutandika ama Sambililo ya Baibo. Cavwilizye nkazi umwi uwizina lyakuti Epuleo ukutandika amasambililo uku yantu yatatu yano akaomba nayo. Wazungwike nu kutemwa sana pakulola ukuti yonsi yatatu yazumiile icakuti iyatandika nu kulongana.

Inzila yakwe ciili i ya kupeela antu ya magazini. Yakatukomelezya ukuti twalonda antu aangatemwa ukusambilila ukuomvya icipande cino yatemwamo muli ya magazini itu. Mwangalizi wa ciputulwa uku United States walanzile ukuti wasiliile Loleni!, akalamba amu masitoolo ya matayala uku ncende imwi iyakweti icipande icalandanga apa matayala. Nupya umwangalizi wa ciputulwa na mamakwe yatwaliile yadokota aingi ukucila pali 100 Loleni!, iyakweti icipande icatangi “Vino Mungauvwila ya Dokota.” Umwangalizi wa ciputulwa walanzile ati: “Ukutandala kuu kwalenzile ukuti yatumanye nupya calenzile ukuti yapoke magazini ii. Ukuelezyanya na antu amu vifulo vii, kwalenga ukuti na ndakai tutwalilile ukulanzyanya nayo.”

Inzila yakwe citatu i ya kusimikila apa foni. Nkazi umwi uwizina lyakuti Judi walembiile iofesi lyakwe ya Nte ilikalamba umu nsi kalata, nu kutaizya pali vino yakatukomelezya ukuti twaomvya foni apa kusimikila. Walanzile ukuti ya nyina aali ni myaka 86, aakalwalilila, yakasimikila ukuomvya inzila ii yakusimikililamo nupya yaaya ni nsansa wakwe cimwi pano yakatungulula ni sambililo pa foni kuli umwi ali ni myaka 92!

Icumi inzila zii zyakusimikililamo izyaya mu mpapulo ziitu zikaomba wakwe cimwi. Ala mwaziomvya! Zingamwavwa ukuya ni nsansa nu kutwalilila kulondesya ukusimikila.

MWAPANGA UKUCITA VINO MULAKWANISYA

Ukuombesya mu mulimo wakusimikila kusilolekela sile mu mpendwa ya mpapulo zino twasila antu, masambililo yano tukatungulula, nanti mpendwa ya antu yano twavwa ukuya aomvi yakwe Yeova. Uzye a yanga yano Nowa wene wavwilizye ukuya yakapepa yakwe Yeova kufumyako amu lupwa lwakwe? Lelo, Nowa wali akasimikila musuma. Icicindame sile, u kuombela Yeova nu mwenzo onsi.—1 Kol. 4:2.

Ya kasimikila ya Wene aingi yazana ukuti pakuti yaalondesya ukusimikila, yalinzile ukupanga ukucita vino yalakwanisya. I vyani vimwi vino yangapanga ukucita? Vimwi vino yangacita vyati vitantikwa umu kambokosi.

Mwapepa kuli Yeova pakuti aamwazwa ukulonda inzila izingalenga ukuti umulimo winu wakusimikila wamuletela insansa. Nga mwakwanisya kucita vivyo, mulaya ni nsansa ukumanya ukuti mwatimukwanisya kucita vino mwapanzile nupya mukuomba papezile amaka inu kusimikila ilandwe lisuma.

Icacumi, ukuti cingatala kusimikila ilandwe lisuma. Lelo kuli vino mungacita pakuti mwalondesya ukusimikila pa Wene. Mwakomelezyanya na wino mukusimikila nawe, mwaisambilizya lyonsi, mwaiusya ukuomvya inzila zino umuomvi mutailwe wapekanya, nupya mwapanga ukucita vino mulakwanisya. Alino ni cikalamba i cakuti, mwaiusya ukuti Leza wamipeela isyuko likalamba ilya kuya pali ya Nte yakwe aakakosoola ilandwe lisuma. (Eza. 43:10) Mulaya ni nsansa izingi cuze ndi mwatwalilila ukulondesya ukusimikila!