Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi  |  Na. 6 2016

Uzye Baibo Ikalandapo Uli Api Pepo?

Uzye Baibo Ikalandapo Uli Api Pepo?

Uzye Yeova aka-asuka mapepo yonsi?

UZYE MUNGAASUKA MUTI . . .

  • Aka-asuka antu yonsi

  • Aka-asuka sile yamwi

  • Asiyasuka aali wensi

VINO BAIBO IKASAMBILIZYA AEVI:

“Wene waya umupipi na yonsi . . . akakuuta ­kunoli umusi mwisyente.”—Masamu 145:18.

NA VYUZE VINO TUKASAMBILILA MULI BAIBO AEVI:

  • Leza asiyasuka mapepo yakwe yaayo asimuvwila. (Ezaya 1:15) Nomba nayo kwene, ‘yanguvwana’ na Leza ndi cakuti yatandika ukumuvwila.—Ezaya 1:18.

  • Pakuti Leza aasuke ipepo, vino tukupepalapo vilinzile kuvwana na vino akalonda ndi vino Baibo yalanda.—1 Yoane 5:14.

Uzye kwaya vino tulinzile ukucita lino tukupepa?

YAMWI YAZUMILA ukuti pa kupepa kano yafukama, ya kontamika vinso pansi, nanti kufumbata iminwe lino yakupepa. Mwemo mungatuuli?

VINO BAIBO IKASAMBILIZYA AEVI:

Leza wasukanga mapepo ya antu apepanga ‘yatenzi’ nanti iyimilila nanti sile ayaya kwene apepanga ala yafupime nanti ‘kufukama.’ (1 Milandu 17:16; 2 Milandu 30:27; Ezila 10:1; Milimo 9:40) Fwandi Leza asisumba mano kuli vino tucisile lino tukupepa.

NA VYUZE VINO TUKASAMBILILA MULI BAIBO AEVI:

  • Leza aka-asuka mapepo yakwe yaayo aicefya.Masamu 138:6.

  • Fwandi mungapepela mu lulimi ululi lonsi nanti umu mwenzo kwene.—2 Milandu 6:32, 33; Neemiya 2:1-6.