Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi  |  Na. 4 2017

Lino Uwene Wakwe Leza ulateeka, antu yalaipakizya “mutende uumalilike.”—Masamu 37:11

Uzye Baibo Ikalandapo Uli?

Uzye Baibo Ikalandapo Uli?

Uzye Baibo ingamwavwa lino mwaya na masakamika?

Uzye Mungati:

  • Ee

  • Awe

  • Limwi

Vino Baibo ikasambilizya aevi:

“Ikini masakamiko inu pali Leza, pano wene akamusakamala.” (1 Petulo 5:7) Baibo ikapeela usininkizyo wakuti Yeova alatwalilila ukumusakamala lyonsi lino mwakwata intazi nanti lino mwaya na masakamika.

Na vyuze vino tukasambilila muli Baibo aevi:

  • Ndi mukupepa, “Leza alamupeela mutende” uulamwazwa kukanaya na masakamika.—Filipi 4:6, 7.

  • Nupya, ukuwelenga Baibo kungamwazwa kumanya ivyakucita lino mwaya na masakamika.—Mateo 11:28-30.

Uzye amasakamika yalasila?

Antu yamwi yazumila ukuti . . .muntu wensi alinzile ukuya na masakamika, lyene yamwi nayo yakati masakamika yakasila sile ndi cakuti muntu wafwa. Uzye mwemo mwamanyapo uli?

Vino Baibo ikasambilizya aevi:

Leza alafumyapo vyonsi vikalenga twaya na masakamika. “Kutalaya imfwa nupya. Kutalaya kulosya nanti kulila, nanti kuvwa kuwaika.”—Umbwilo 21:4. 21:4.

Na vyuze vino tukasambilila muli Baibo aevi:

  • Lino Uwene Wakwe Leza ulateeka, antu yonsi yalikala umutende nupya yalaya ni nsansa.—Ezaya 32:18.

  • Kusakamikwa konsi kulililika.—Ezaya 65:17.