Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi  |  Na. 5 2017

Ivyanzo vyonsi vikaomviwa mu nkondo vilononwa

Uzye Baibo Ikalandapo Uli?

Uzye Baibo Ikalandapo Uli?

Uzye umu nsi mulatala muye umutende?

Uzye mungati?

  • Ee

  • Awe

  • Limwi

Vino Baibo ikasambilizya aevi:

Lino Yesu alateeka, “nu mutende wa yantu ulayako insita yonsi, ukufika na pano umwezi ulata ukuya penepo.”—cikusenula ukuti manda pee.—Masamu 72:7, NWT.

Na vyuze vino tukasambilila muli Baibo aevi:

  • Antu aipe yalafumiziwapo pano nsi, pakuti antu asuma yace “yapyane impanga nu kusyukila ulongo ulumalilike.”—Masamu 37:10, 11.

  • Leza alasisyapo inkondo zyonsi.—Masamu 46:8, 9.

Uzye tungikala ukwaula masakamika ndakai?

Antu yamwi yazumila . . .ukuti umuntu atange aikale ukwaula masakamika umu nsi ii umutaya umutende, umwaya sile ukucula nu lufyengo. Uzye mwemo mungati uli?

Vino Baibo ikasambilizya aevi:

Na ndakai kwene, yayo akapalamila kuli Leza ‘alayapeela mutende uno kusi umuntu nanti wenga angaumanyikisya.’—Filipi 4:6, 7.

Na vyuze vino tukasambilila muli Baibo aevi:

  • Yeova walaya ukuti alafumyapo ulufyengo nu kucula, walanda ukuti “vintu vyonsi nkuvicita ivipya!”—Umbwilo 21:4, 5.

  • Tungaya nu mutende ndi cakuti tukuisambilizya vyakwe Leza.—Mateo 5:3.