Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi  |  Na. 5 2017

 LYASI LYA KUTANDIKILAKO | UZYE BAIBO YALANDA ULI PA ANGELI?

Uzye Angeli Yangamwazwa Uli?

Uzye Angeli Yangamwazwa Uli?

Angeli yacumi yakaombesya ukwazwa swe yantunze nupya yacincila sana mu kucita ukulonda kwakwe Leza. Lino Leza waumvile insi, “angeli yonsi yakwe Leza yamuwanzizye capamwi ni nsansa.” (Yobo 38:4, 7) Ukufuma sile uku mpiti angeli nayo kwene yakalondesya “kumanya” mausesemo akalanda pa vintu ivilacitika uku nkolelo.—1 Petulo 1:11, 12.

Baibo ikatulangilila ukuti pakuti ukulonda kwakwe Leza kucitike, insita zimwi angeli yakaombesya ukucingilila ya kapepa ya cumi. (Masamu 34:7) Wakwe:

  • Lino Yeova waleesile uononesi pa musumba wa Sodoma na Gomola, Angeli yazwilizye Loti uwali umololoke ukuutuka.—Utandiko 19:1, 15-26.

  • Mu Babiloni namo lino acance yatatu yayapingwile ukuyasumbila mwi lungu lya moto, Leza ‘watumile umungeli wakwe ku kupususya antu yakwe amutumikilanga.’—Danieli 3:19-28.

  • Lino Danieli walinzile usiku onsi mu ninga yakwe ya cisama, walondolwile ukuti wapuswike pa mulandu wakuti “Leza watumile umungeli wakwe, nga nawe wafumpike imilomo yakwe yacisama.”—Danieli 6:16, 22.

Kwaya malyasi aingi sana ampiti akalanda pali vino angeli yazwilizyanga antu aali acumi

ANGELI YAZWILIZYE AINA KLISTU AALI MU CILONGANO CA KUTANDIKILAKO

Insita zimwi, angeli yakwe Leza yano watumanga yazwilizyanga sana Aina Klistu ya kutandikilapo ndi cakuti Leza akulonda ukuti avino ciye. Wakwe:

  • Mungeli wayuzile visasa vya ng’anda ya minyololo nu kufumya atumwa ayanena nu kuti yatwalilile ukukosoola mu ng’anda ikulu yakwe Leza.—Milimo 5:17-21.

  • Mungeli watungulwile Filipo ukuya ku museo wafuma ku Yelusalemu uwaya ku Gaza ukuyasimikila ku mwina Etiopia uwafumanga uku Yelusalemu kuno waile mu kupepa.—Milimo 8:26-33.

  • Lino insita yafisile yakuti aataali Ayuda yaye Aina Klistu, mungeli walolekile kuli Konelio ukumunena ukuti atume akuya-ama Petulo ukwiza ku ng’anda yakwe.—Milimo 10:3-5.

  • Lino mutumwa Petulo yamuyalile mu cifungo, mungeli walolekiile kuno ali nu kumufumya mu cifungo.—Milimo 12:1-11.

 ANGELI YANGAMWAZWA

Muli Baibo mutaya usininkizyo ukalanga ukuti ndakai Leza akaomvya angeli ukutwazwa umu cizungusyo. Lelo Yesu walanzile vimwi ukulozya umu manda yano tukwikalamo ukuti: “Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.” (Mateo 24:14) Uzye imumanya ukuti asambi yakwe Yesu yakatungululwa na angeli lino yakuomba umulimo uu?

Angeli yakaazwako uku kosoola ilandwe lisuma insi yonsi

Ibuku lya Umbwilo likalangilila ukuti angeli yalaya acincile umu kwazwa antu yonsi umu nsi ukusambilila pali Yeova na vino akalonda ukucitila antu yakwe. Mutumwa Yoane walemvile ukuti: “Ndola mungeli muze akupapuka mwiyulu papelapela. Ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi. Alino avwanga ni zwi likulu ati, “Oopini Leza nu kulumbanya ukulu wakwe! Pano insita yatifika yakuti wene apingule antu! Pepini wino uwaumvile iyulu ni nsi, yemba nu tufukoka twa manzi.’” (Umbwilo 14:6, 7) Ivikacitika ndakai vikalangilila ningo ukuti angeli yakatwazwa sana lino tukuomba mulimo wa kukosoola. Kwaula nu kutwisika, lino kaifya wazenzuka nu kuwelela kuli Yeova, “angeli yakwe Leza yakazanga.”—Luka 15:10.

I vyani vilacitika ndi cakuti umulimo wa kusimikila wasila? Lyene angeli “vita vya mwiyulu” yalazwa Yesu Klistu, Umwene wa ene, ukulwa “ulwi ulacitika pa wanda wakwe Leza wa maka onsi,” pa Alamagedoni. (Umbwilo 16:14-16; 19:14-16) Angeli ya maka yalaomba umulimo wa kukoma antu alapingulwa na Yesu umu wololoke lino ‘aliza mukuvunuka yao . . . asyataila Ilandwe Lisuma lya Mwene witu Yesu.’—2 Tesalonika 1:7, 8.

Fwandi mumanye ukuti namwe kwene, angeli yamutemwa. Angeli ika sana amano kuli yaayo akalonda ukuombela Yeova, nupya Yeova akayaomvya uku kukomya nu kucingilila aomvi yakwe pano nsi.—Ayebulai 1:14.

Lyene paa cila muntu alinzile ukuisoolwela. Uzye ndakutika ukwi landwe lisuma ilikukosolwa umu nsi yonsi? Ya Nte Yakwe Yeova ayela kuno mukaikalila yangatemwa sana ukumwazwa pakuti namwe mwaipakizya ukwazwa kuno angeli yakacita.