Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi  |  Na. 5 2017

 LYASI LYA KUTANDIKILAKO | UZYE BAIBO YALANDA ULI PA ANGELI?

Uzye Angeli—Yangamwazwa uli?

Uzye Angeli—Yangamwazwa uli?

Wanda umwi pa Mulungu kasanya, ya Kenneth na ya Filomena, aakaikala mu Curaçao, yaile mukutandalila atwalane yamwi yano yasambilizyanga Baibo.

Ya Kenneth yalanzile ukuti, “lino twafisile pa ng’anda, twazanyile iciyale nupya ale pasi na motoka. Nelenginye ukuti nkantumile aci foni.”

Lino yatumile foni, aci yaswike iyalanda nu kuti ya iya yatalipo ala iyaya ku ncito. Lyene lino yamanyile ukuti fwandi ya Kenneth na ya Filomena yaali panzi, izile yayula icisasa nu kuyanena ukuti ingile.

Lyene papo kwene ya Kenneth yaweni ukuti iyafuma mukulila. Lino ya Kenneth yapefile ipepo kuti lyene yatandike ukusambilila, nupya kwene yatandike ukulila. Lyene ya Kenneth na ya Filomena yayuuzizye icalenzile ukuti yalila.

Izile yalondolola ukuti yalondanga ukuikulika pa nsita kwene iya iya musanya, fwandi lino ya Kenneth yayatumiile foni, ale yakulembela ya iya kalata yakuti iiyaikulika. Yalondolwile ukuti yaculanga sana na melenganyo, fwandi ya Kenneth izile iyayakomelezya ukuomvya ivyeo ivyaya muli Baibo. Kukomelezya kuuku kwalenzile ukuti yataikulika.

Ya Kenneth yalanzile ukuti “Twataizye sana Yeova pakuleka ukuti twazwe umwanaci wiya uwali ni ntazi ikulu cuze, sana sana pakulenga ukuti tumutandalile—limwi waomvizye umungeli nanti umupasi—kuleka tutume foni ku mwanaci wiya!” *

Uzye ya Kenneth na ya Filomena yazumiile ukuti Leza wayavwile, kupitila mu mungeli nanti kuomvya umupasi wakwe uwa muzilo, nanti ku maka yauze sile? Uzye cayapumikizye sile ukuti yatumeko foni?

Tutange tumanye ningo. Cino twamanya sile icakuti Leza akaomvya angeli ku kwazwa antu akalondesya vyakwe Leza. Baibo yalanda pa nsita imwi ukuti, Leza waomvizye umungeli ukutungulula Filipo ukuyasimikila kuli cilolo mwina Etiopia uwalondesyanga ukumanya icumi.—Milimo 8:26-31.

Macalici aingi yakasambilizya ukuti kwaya viumbwa vya mipasi, vino yacindikisya ivikacita ukulonda kwakwe Leza alino nu kuyacingilila cila muntu. Yamwi nayo yatapelela sile pa kumanya ukuti angeli akuno yaya, lelo yamanya nu kuti yakayazwa umu nzila zimwi. Lelo nanti ciye vivyo, antu yamwi yene yatazumila ukuti angeli akuno yaya.

Uzye angeli akuno yaya? Ndi cakuti akuno yaya, uzye yafumile kwi? I visinka ci vino twamanya pa angeli? Uzye yangamwazwa? Lekini tulole usininkizyo.

^ par. 8 Yeova i zina lyakwe Leza ilyaya muli Baibo.—Masamu 83:18.