Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi—Lwa Kusambililamo  |  Juni 2017

Uzye Mukwiusya?

Uzye Mukwiusya?

Uzye mwawelenga ningo ningo impungu izyacifumile? Lolini ndi cakuti mungasuka amauzyo yaa apisika:

Uzye aina aasontwa yalinzile ukucita uli ndi yapokelela utunguluzi ukufuma ukwi uvi lyakwe Leza?

Yalinzile ukuvwila zuwa zuwa. Yalinzile ukuyuzya aeneco ukuti: ‘Uzye nkaazwilizya yauze ali apiipi nani ukuya sana ya cuza yakwe Leza? Uzye nkazumila zuwa nu kutungilila vino aakutungulula yalanda?’—w16.11, ifwa 11.

A lilaci lino Aina Klistu yasenzilwe umu uzya?

Pa cisila ca kufwa kwa yatumwa, aonsi yamwi yakatwike, iyatandika ukutumpoka pakuti yapuulule ataile. Aamacalici na ya simapepo aingi yatandike ukucita ivintu ivyalenganga kuye usangu mu vilongano vya Ina Klistu pakuti sile yatoovole Aina Klistu apakwe. Nomba umu myaka iyatungululanga kuli 1914, apakwe yatandike ukufuma ukuvicitwa vya mipepele ya ufi.—w16.11, mafwa 23-25.

U mulandu ci uno imilimo ino Lefeva Detapo waomvile yaiyeliile?

Umu myaka yakwe ya 1520, Lefeva wasenwile Baibo ukutwala umu lulimi lwa Cifrench pakuti antu yonsi yakwate Baibo. Imisenwile ino wasenwililemo Baibo yazwilizye Martin Luther, William Tyndale, na John Calvin.—wp16.6, mafwa 10-12.

Upusano ci uwaya pa “kutungululwa ni vilondwa vya mwili” na pa “kutungululwa nu mupasi wa muzilo”? (Loma 8:6)

Umuntu akutungululwa ni vilondwa vya mwili akaika amano nanti umwenzo pa cintu cimwi, nu kwelenganyapo, nupya lyonsi akalandapo sana nu kulumbanya vilondwa vya mwili. Lelo umuntu akatungululwa nu mupasi wa muzilo akaleka amelenganyo yakwe yauvwana na melenganyo yakwe Leza nu mupasi wakwe. Ukutungululwa ni vilondwa vya mwili kukatungulula uku mfwa, lelo ukutungululwa nu mupasi kwene kukaleta umi nu mutende.—w16.12, mafwa 15-17.

Iinzila ci zimwi izingamwazwa ukucefyako amasakamiko?

Mwaika amano uku vintu ivicindame, mutaenekela ivicizilemo, mwakwata insita yakuyako mwenga cilawanda, mwaipakizya ukutamba vintu vino Yeova waumba, mwaya ni nsansa, mwatukusya umwili lyonsi nupya mwakasula pakuti utulo itusila.—w16.12, mafwa 22-23.

U mu nzila cino muno ‘Enoki wasenzilwe kuti atafwa’? (Ayeb. 11:5)

Cikaloleka kwati Leza walenzile Enoki ukufwa ukwaula ukucululuka.—wp17.1, mafwa 12-13.

U mulandu ci uno ukuicefya kwacindamila?

Ukuicefya kukalozya na kuli vino umuntu akailola nu kumanya ukuti kwaya ivintu vino atanga akwanisye ukucita. Tulinzile ukumanya vino imiyele itu ingalenga yauze ukuvwa nupya tutalinzile ukuicindikisya.—w17.01, ifwa 18.

Uusininkizyo ci uwayako ukalangilila ukuti Leza watungululanga iumba ilyatungululanga ilyaliko umu nsita ya atumwa, wakwe vino akatungulula aaya mwi Iumba Ilikatungulula ilyayako ndakai?

Umupasi wa muzilo wayazwanga ukuvwikisya ivya mu malembelo. Angeli yayazwanga ukwangalila umulimo wa kusimikila, nupya yalondesyanga ukutungululwa ni Zwi Lyakwe Leza. Vikwene avino caya nu kwi Umba Ilikatungulula ilyayako ndakai.—w17.02, mafwa 26-28.

I vintu ci ivingalenga twalola ukuti impolelwa ino Yesu wapiile uwila ucindamisye?

Ivintu vivyo 4 aevi: A weni watupeezile uwila uwo, i cani cino watupeelile uwila uwo, cali uli pakuti tukwate uwila uwo, alino nu kuombela pa cintu icikalondekwa. Tulinzile ukwelenganya sana pali vino ivintu vivyo 4 vyacindamila.—wp17.2, mafwa 4-5.

Uzye Umwina Klistu angasenula vino atapingulapo mpiti?

Umu cumi tulinzile ukufikilizya vino twatitulanda. Lelo insita zimwi cikalondekwa ukwelenganyapo sana nupya pali vino itupingula. Leza wasenwile amapange yakwe pa konona aina Ninive pa cisila lino yalapila. Insita zimwi limwi ndi kwacitika vimwi nanti ndi twamanyilapo vyuze ivipya, tungasenula vino tukwelenganya.—w17.03, mafwa 16-17.

U mulandu ci uno ukulandila ivipe pa yantu yauze kwaipila?

Ukulanda ivintu ivipe pa muntu muze kungalenga intazi ukukana sila nu kukulilako. Vino tukulanda pa muntu muze viye ivya cumi nanti foo, ukulanda amazwi aipe kwene kutange kumale intazi.—w17.04, ifwa 21.