Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Lupungu Lwa Mulinzi (Lwa Kusambililamo)  |  Epulelo 2016

Uzye Umulimo Winu Uwa Kusimikila Waya Wa Lumi?

Uzye Umulimo Winu Uwa Kusimikila Waya Wa Lumi?

MULIMO witu uwa kusimikila wacindama sana. Nomba asi yonsi yano tukasimikilako aamanya vii. Nanti cakuti antu yakatemwa ivyaya muli Baibo, asi lyonsi lino yakalola ukuti cacindama ukusambilila Izwi Lyakwe Leza naswe.

Elenganyini pali ya Gavin. Yazanwanga umu kulongana lyonsi pa Ng’anda ya Wene, nomba yatalondanga ukutandika ukusambilila Baibo. Ya Gavin yalanzile ukuti yatamanyile ivingi pali Baibo nupya yatalondanga umuntu nati umwi ukumanya vii. Yatiinanga ukuti limwi yangayanena ukuti yatandike ukupepa ukwi calici limwi, nupya yatalondanga ukusombwa. Mukulola uli? Uzye cali icangupale ukwazwa ya Gavin? Elenganyini pali vino ivisambilizyo ivyaya muli Baibo vingazwa umuntu. Yeova wanenyile aina Izlaeli ukuti: “Amazwi yane yalalakata wa kutonya kwa mvula pa vilimwa vinu, kwati [ulumi] pa mulemvwe.” (Malango 31:19, 30; 32:2) Lekini tusambilile vimwi pa lumi, nu kulukolanya uku mulimo witu uwa kusimikila pakuti twaazwilizya “umuntu wensi” wino tungazana.—1 Timoti 2:3, 4.

 UZYE UMULIMO WITU UWA KUSIMIKILA UNGAKOLANA ULI NU LUMI?

Ulumi ulusuma. Ulumi lukapangika umu muza ndi kwazuka, iluya utumatoni twa manzi. Uzye amazwi yakwe Yeova yalakatanga uli wa lumi? Yeova wali nu luse pa kulanda na antu yakwe, umuteekele, nupya wayasumbangako sana mano. Tukamukolanya ndi tusikusaalula antu pa mulandu na vino yazumilamo. Tukayakomelezya ukuyelenganyizya aineco nu kuipingwila ivyakucita. Ndi tukulanga ukuti twayasumbako amano wakwe vii, antu yalalondesya ukuvwa vino tukuyanena, nupya umulimo witu uwa kusimikila ulazipa sana.

Ulumi lukalenga tuvwe ningo. Umulimo witu uwa kusimikila ukalenga antu ukuvwa ningo ndi cakuti tukuomvya inzila izipusane pusane ukuyazwa ukusambilila icumi. Umwina Chris, uwatandikilepo ukunena ya Gavin ukuti asambilila nayo Baibo, ataapatikizye ya Gavin ukuzumila ukusambilila. Lelo umwina wi wezizye ukuomvya inzila izipusane pusane izyali nu kulenga ya Gavin ukuitemelwa ukutandika ukusambilila Baibo. Umwina Chris wanenyile ya Gavin ukuti muli Baibo mwaya amazwi acindame sana akulanzyanya nu kuti ukusambilila amazwi yaayo kwali nu kulenga ya Gavin yaipakizya ukulongana. Lyene umwina Chris walondolwile ukuti usoowelo uwaya muli Baibo wamwazwa ukusininkizya ukuti Baibo ikalanda ivya cumi. Cii calenzile ukuti yalanzyanya sana pali vino mausoowelo aingi yafikiliziwa. Kulanzyanya kwa musango uu kwalenzile ya Gavin ukuvwa ningo sana, nupya izile yazumila ukusambilila Baibo.

Ulumi lwacindama uku umi. Lino kukakaya sana, insita ya cisanya uku mpanga ya Izlaeli, limwi imvula isitoonya pa myezi ingi. Nga kusi umunyezi uukafuma uku lumi, ivimelwa vikauma. Yeova wasoowile ukuti umu manda itu kwali nu kuya ulusala lwa “kuvwa amazwi yakwe [Yeova].” (Amosi 8:11) Yeova walavile ukuti apakwe yali nu kuya “wa lumi ulwafuma kuli [Yeova]” lino yakusimikila ilandwe lisuma ilya Wene, ala yakuombela pamwi na ‘amfwele nazyuze.’ (Mika 5:7; Yoane 10:16) Ilandwe lino tukasimikila ilyafuma kuli Yeova, likaazwilizya antu aaya nu lusala lwa kuvwa icumi ukuti yakaye nu umi. Uzye twacindika sana ilandwe lii?

Ulumi u wila ukufuma kuli Yeova. (Malango 33:13) Umulimo witu u wila kuli yaayo aakalonda ukuvwa ilandwe lisuma. Kusambilila Baibo wali u wila kuli ya Gavin pano calenzile yazane amasuko uku mauzyo yonsi yano yakweti. Yalundulwike zuwa, iyawatiziwa, nupya ndakai yakaipakizya ukuombako umulimo wa kusimikila ilandwe lisuma pamwi na ya mama yao ya Joyce.

Ya Nte Yakwe Yeova yakasimikila ilandwe lisuma ilya Wene umu nsi yonsi

MWACINDIKA UMULIMO WINU UWA KUSIMIKILA

Ukukolanya umulimo witu uwa kusimikila uku lumi kungatwazwa ukumanya ukuti imiombele itu swensi cila muntu palwakwe yacindama. U munzila ci? Itoni lyonga ilya lumi litanga lyazwilizye sana, nomba ndi cakuti amatoni ya lumi yavulisya, umusili ukaya nu munyezi. Naswe cila muntu palwitu cingaloleka kwati umulimo witu utacindime. Nomba ndi ya Nte Yakwe Yeova aingi cuze yakuombela pamwi, yakasimikila “ku antu amu nko zyonsi.” (Mateo 24:14) Uzye tumaombesyanga pakuti umulimo witu uye u wila uku yantu ukufuma kuli Yeova? I cumicumi, ilandwe litu lyaya wa lumi, kulikuti, ilisuma, likalenga antu ukuvwa ningo, nupya lyacindama sana uku umi!