Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Welini Kuli Yeova

Mazwi ya Kusyalikizya

Mazwi ya Kusyalikizya

Uzye mukatala imwiusyako insita imwi lino cazipanga ukuya capamwi na antu yakwe Yeova—uku kulongana kumwi ukwa pa cilongano ukwamukomelizye, ukongano wa citungu usuma cuze, ivisuma ivyacitiike lino mwasimikilanga, nanti sile ivyeo vimwi visuma vino mwalanzyanyizye na kapepa muzo? Asi kuti mwilila Yeova foo, nupya nawe kwene atamwilila. Wene acili akaiusya imilimo ino mwaombanga. Nupya akalondesya sana ukumwavwa pakuti muwele kuli aliwe.

Yeova walanda ukuti: “Nemo ne Yeova nkumunena ndi vino nene kwene ndalonda imfwele zyane, nupya nene kwene ndazisunga. Ndazisunga ndi vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile.”—Ezekelo 34:11, 12.