Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Uzye Ndakai Aaweni Aakacita Vino Yeova Akaalonda?

 Isambililo 15

Uzye ya Eluda Yakaomba Yakutuuli Umu Cilongano?

Uzye ya Eluda Yakaomba Yakutuuli Umu Cilongano?

Ku Finland

Yakusambilizya

Yakucema

Yakusimikila

Mu cilongano citu mutaaya yasimapepo aakalipilwa. Swemo tukaomba wakwe vino icilongano ca kutandikilako ica Ina Klistu caombanga; twakwata angalizi aasontwa ‘aakacema iuvi lyakwe Leza.’ (Milimo 20:28) Ya eluda yaa, yalunduluka sana muli ukapepa, yakatungulula icilongano nu kutucema “kwaula kupatikiziwa, nupya asi pa mulandu wa kulipilwa, lelo pa mulandu wakulondesya ukutumikila.” (1 Petulo 5:1-3) Uzye mwamanya imilimo ino yakatucitila?

Yakatusakamala nu kutucingilila. Ya eluda yakaomvya Malembelo pa kutungulula icilongano nu kwavwa amu cilongano ukutwalilila ukuya yacuza yakwe Leza. Ya eluda yamanya ukuti Leza wayapeela umulimo uu ucindame, cili cino yasititikizya antu yakwe, lelo yakatwazwa ukutwalilila ukuombela Leza nu luzango. (2 Kolinto 1:24) Yaya wakwe kacema aakasakamala imfwele yonga na yonga, pano nayo kwene yakasumbako sana amano ku muntu wenga na wenga uwa mu cilongano.—Amapinda 27:23.

Yakatusambilizya vino tungaacita ukulonda kwakwe Leza. Cila-mulungu ya eluda yakatungulula ukulongana kwa pa cilongano pa kuti yaatukomelezya. (Milimo 15:32) Aonsi yaa yaaipeelesya ukutungulula umu mulimo wa kusimikila; yakaombela pamwi naswe, nu kutusambilizya ivya kuomba umulimo kwene uu.

Yakatukomelezya fwensi. Pa kuti yatukomelezya cila-muntu muli vyakwe Leza, ya eluda aapa cilongano yakatutandalila uku mang’anda, nanti ukutukomelezya ukuomvya Malembelo pa Ng’anda ya Wene kwene.—Yakobo 5:14, 15.

Nanti i cakuti yakaomba vii umu cilongano, ya eluda aingi yakaomba ni ncito izingayazwa ukusunga indupwa; nazyo kwene incito zii zikalondeka insita sana nu kusumbako sana amano. I cumicumi ya eluda yakalondeka ukupeelwa umucinzi.—1 Tesalonika 5:12, 13.

  • U mulimo ci uno ya eluda aapa cilongano yakaomba?

  • I vyani vino ya eluda yakacita ku kulanga ukuti yatusakamala?