Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Uzye Ndakai Aaweni Aakacita Vino Yeova Akaalonda?

 Isambililo 2

U Mulandu ci Uno Tuka-amilwa Ukuti ya Nte Yakwe Yeova?

U Mulandu ci Uno Tuka-amilwa Ukuti ya Nte Yakwe Yeova?

Nowa

Abulaamu na Sela

Mose

Yesu Klistu

Antu aingi yakaelenganya ukuti ya Nte Yakwe Yeova i ziina lya mipepele ino yatandiike sile likwene. Nomba, imyaka ukuluta pali 2,700 iyapitapo, kwali aomvi yakwe Leza wa cumi yano yaali “ya nte” nanti “ya kambone” yakwe. (Ezaya 43:10-12) Lino umwaka wa 1931 utali ufike, twali Asambi Yakwe Baibolo. Nga umulandu ci uno twatandikiile ukuomvya izina lyakuti ya Nte Yakwe Yeova?

Likalenga ukuti antu yamanye Leza witu. Kulingana ni mpapulo zya mpiti sana, izina lyakwe Leza ilyakuti Yeova a muno lyali muli Baibolo maila mupipi na 7,000. Umu ma Baibolo aingi yano yasenula yafumyamo izina lya kuti Yeova nu kupyanikizyamo mazina ya malumbo, wakwe Umwene nanti Leza. Nomba, Leza wa cumi wasokolwile izina lyakwe kuli Mose ilyakuti Yeova, walanzile ati: ‘Lii ali zina lyane amanda pe.’ (Ukufuma 3:15) Pa kulanda izina lii, waipusinye umwineco ukufuma kuli tuleza twa ufi tonsi. Tukauvwa ningo sana ukuya antu yano izina lya muzilo lyakwe Leza likamanyikilako.

Likamanyisya umulimo uno tukaomba. Antu aingi aaliko mpiti sana, ukutandikilako nu monsi wa utailo Abelo, yacitiile unte kuli vino yataile Yeova. Mu myaka iingi iyakonsilepo, Nowa, Abulaamu, Sela, Mose, Davidi, na yauze, yaali pi “iumba likulu lyakwe yakambone” nanti ya nte. (Ayebulai 11:4–12:1) Fwemo twaipeelesya ukusimikila icumi pali Leza; twaya wakwe vino kambone wa mu ng’anda ya cilye akaalandilako umuze wino atakweti umulandu.

Tukakolanya Yesu. Baibolo ikati wene a “kambone uwakutailwa nupya uwa cumi.” (Umbwilo 3:14) Yesu umwineco walanzile ukuti ‘walenzile izina lyakwe Leza ukumanyika’ nu ‘kusimika unte pa cumi’ cakwe Leza. (Yoane 17:26; 18:37) A cino fwandi, alondezi yakwe Klistu acumi yafwile ukulaneena antu yauze api zina lyakwe Yeova, nu kuliyela unte. Vikwene vii ali vino ya Nte Yakwe Yeova yakacita.

  • Uzye u mulandu ci uno Asambi Yakwe Baibolo yatandikiile ukuomvya izina lyakuti ya Nte Yakwe Yeova?

  • Uzye Yeova wakwata ya nte nanti ya kambone yakwe pano nsi pa myaka inga?

  • Nga Kambone mukulu wakwe Yeova a weni?