Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Uzye Ndakai Aaweni Aakacita Vino Yeova Akaalonda?

 Isambililo 8

U mulandu ci Uno Tukazwalila Ningo Apa Kulongana?

U mulandu ci Uno Tukazwalila Ningo Apa Kulongana?

Ku Iceland

Ku Mexico

Ku Guinea-Bissau

Ku Philippines

Uzye imulola apa vikope umu kabuku kaa vino ya Nte Yakwe Yeova yazwite ningo lino yali apa kulongana? Nga fwandi u mulandu ci uno tukasumbilako sana amano uku mizwalile nu kuiemvya?

Kuzwala ningo kukalanga ukuti tukacindika Leza. Ukuya kwene, Leza akalola umu mwenzo wa muntu asi sile vino umuntu akaaloleka ukunzi. (1 Samuele 16:7) Nomba, lyonsi lino twakongana umu kupepa, cino tukalondesya, u kulanga ukuti twacindika Leza alino na yano tukapepa nayo. Tuti limwi umonsi umwi umucindame sana watwama ukuti akatuneene vimwi, uzye vwilini tungayako ukwaula ukusakamala pali vino tuzwite na vino tukuloleka? Vivyo kwene a vino caya na lino tukulongana, imilolekele itu ifwile ukulanga ukuti twacindika sana Yeova Leza pano aaliwe uwa cindama ukuluta, nupya twacindika ivifulo vino tukalonganilapo.—Ukutendeka 18:25.

Kukalangilila imiyele ino twaya nayo. Baibolo ikaneena Ina Klistu ukuzwala “vizwalo vya mucinzi vya mano nupya vilingine nu kuzwala,” kuli “kuyela Leza.” (1 Timoti 2:9, 10) “Vilingine nu kuzwala” cikupiliula ukukana-zwala ivizwalo vya kuyuvwa, nanti ivingalenga yamwi yuvwe uyi, nanti ivikalangizya umwili wa muntu. Lyene, ukusoolola ivya kuzwala “vya mano” kukapiliula ukukana ilekelezya nanti ukuluta umu cipimo. Masunde yaa yasicuzya antu foo. Nga tukuloleka ningo, ala ‘twacindamika usambilizyo wakwe Katuula witu’ nupya ala tukalonda ukuti “Leza apeelwe mucinzi.” (Tito 2:10; 1 Petulo 2:12) Fwandi, nga tukuzwala ningo apa kulongana, antu yauze yakalola ukuti ukupepa Yeova kwaziipa.

Mutaasakamala ukuti vyakuzwala vino mwakwata vitaalinga ukuya navyo uku Ng’anda ya Wene. Vizwalo ivikalondeka asi vya mutengo wa papela nanti ivisuma ukuluta, vifwile sile ukuya ivifule ningo, nupya ivikuloleka ningo.

  • Uzye ukuzwala ningo lino tukupepa Leza kwacindama umunzila ci?

  • A masunde ci aakatwazwa ukumanya vino tufwile ukuzwala nu kuiemvya?