Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Uzye Ndakai Aaweni Aakacita Vino Yeova Akaalonda?

 Isambililo 26

Tungacita Uli Pakuti Twa-azwilizyako Ukusakamala Ing’anda ya Wene?

Tungacita Uli Pakuti Twa-azwilizyako Ukusakamala Ing’anda ya Wene?

Ku Estonia

Ku Zimbabwe

Ku Mongolia

Ku Puerto Rico

Pa ma Ng’anda ya Wene aa Nte Zyakwe Yeova paya izina lyakwe Leza ilya muzilo. Fwandi, tukalola ukuti ukuziifya icikulwa cicii pakuti caloleka ningo, kwaziipa, pano ndi tukucita vivyo, ala tukupepa Leza. Antu yonsi yangaombako umulimo uu.

Ndi twamala ukulongana, namwe mungaaziifyako umu nganda ya wene. Lyonsi lino twamala ukulongana aina na ya nkazi yakaitemelwa ukuziifyako umu Ng’anda ya Wene patali-patali. Umuku onga cila-mulungu kukaaya ukuziifya sana umukasi nu kunzi. Eluda nanti umuomvi wa pa cilongano akaangalila umulimo nu kusininkizya ukuti imilimo yonsi yaombwa. Kulingana na kuno mwayela, kwaya imilimo iili wa kupyela, ukukolopa, ukupukuta ivintu, ukutantika ningo ivilimba, kuzifya umu vimbusu, kuzifya mawindo, kusumba ivikoona, nanti ukuzifya ukunzi na pa musolo. Lyene, cila mwaka kukaaya uwanda wa kuziifya vyonsi ivyaya apa Ng’anda ya Wene. Nga tukusendako na ana itu kuti yakaombeko utumilimo tumwi ala tukuyasambilizya ukucindika Ing’anda ya Wene.—Lukala Milandu 5:1.

Mwaazwilizyako ukuombela pano pakulondekwa ukuziifya. Cila-mwaka kukaaya ukuceeceta Ing’anda ya Wene mukasi nu kunzi. Ndi yazana ukuti pali pamwi apononeke, yakazifyapo pakuti ing’anda yaloleka ningo, na cii cika-avwa ukukanasumba impiya izingi kuvya kuziifya. (2 Imilandu 24:13; 34:10) Ing’anda ya Wene ino yakasakamala, yaziipa ukupepelapo Leza witu. Lyonsi lino tukuombako umulimo wa kuziifya Ing’anda ya Wene, ala tukulanga vino twatemwa Yeova, na vino twacindika icifulo ca kupepelapo. (Masamu 122:1) Lyene aikala-muzi nayo yakamanya ukuti fwandi tukapepa Leza wa cumi.—2 Kolinto 6:3.

  • U mulandu ci uno tutafwile ukutazyela icifulo ca kupepelapo?

  • I vyani vino tukacita pa kuti Ing’anda ya Wene iyaaya iyausaka lyonsi?