Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Uzye Ndakai Aaweni Aakacita Vino Yeova Akaalonda?

 Isambililo 22

I Milimo Ci Iikaombwa pa ma Ofesi?

I Milimo Ci Iikaombwa pa ma Ofesi?

Ku Solomon Islands

Ku Canada

Ku South Africa

Aomvi ya pa Betele yakaombela umu viputulwa ivipusane-pusane ku kutungilila umulimo wa kusimikila umu mpanga yonga nanti mpanga izingi. Yamwi yakasenula mabuku, yamwi nayo yakaombela uku kupulinta ya mangazini, kupanga mabuku, nu kulonga impapulo, alino yauze nayo yakaombela uku kukopa mazwi nanti ma vidyo, nanti sile ukusakamala imilimo yuze.

Komiti ya Musambo ika-angalila imilimo. Iumba Ilikatungulula lyapeela Komiti ya Musambo umulimo wa kwangalila maofesi anono; muli komiti yonga na yonga mukaya yaeluda amanya ningo ukuomba yatatu nanti ukulutapo. Komiti iyo ikaneena Iumba Ilikatungulula vino umulimo wa kusimikila ukuombwa, na mavya aakacitika umu mpanga ino komiti iyo ika-angalila. Lyene malyasi yayo yaka-avwa Iumba Ilikatungulula ukusoolola amazwi yano yalalemba umu mabuku aalafuma uku nkoleelo ni vilaomviwa apa kulongana na pa maukongano akalamba. Ya eluda aakaimililako Iumba Ilikatungulula yano tukati aangalizi aakatandalila maofesi, yakayatuma uku maofesi yakwe ya Nte nu kuya avwa Komiti ya Musambo pakuti amu komiti yaomba ningo. (Amapinda 11:14) Kukaya utantiko usuma cuze kuno umwangalizi akalanda ilyasi ukwiumba lya antu aakaikala umu mpanga ino iofesi lyayelako.

Yakatungilila ivilongano. Pa ofesi paya aina aakazumilizya ukuti ivilongano ivipya vipangwe, nu kuombela pa kusonta ya eluda na aomvi ya mu cilongano. Aonsi yayo yakatungulula imiombele yakwe ya painiya, ya misyonali, na angalizi aakatandalila ivilongano umu mpanga ino iofesi lilyo lika-angalila. Yakapekanya maukongano anono na akalamba, nu kwangalila makuule ya ma Ng’anda ya Wene, alino nu kusininkizya ukuti mabuku yakutumwa uku vilongano. Imilimo yonsi iikaombwa apa ma ofesi yakwe ya Nte ika-azwilizya ukuomba ningo umulimo wa kusimikila.—1 Kolinto 14:33, 40.

  • Uzye ama Komiti ya Misambo yaka-avwa yakutuuli Iumba Ilikatungulula?

  • I milimo ci iikaombwa apa maofesi yakwe ya Nte?