Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Uzye Ndakai Aaweni Aakacita Vino Yeova Akaalonda?

 Isambililo 21

Uzye Betele Cili Cani?

Uzye Betele Cili Cani?

Dipatimenti iikaombela uku vikope ivya mu mpapulo, ku U.S.A.

Ku Germany

Ku Kenya

Ku Colombia

Izwi lyakuti Betele lyafumile ukwizwi lya ciYebulai ilikapiliula ukuti “Ng’anda Yako Leza.” (Ukutendeka 28:17, 19) Ivikulwa ivikalamba vyakwe ya Nte Yakwe Yeova vino yakuula umu mpanga izipusane-pusane, ali Betele; ni zina lii lyalinga, pano apa Betele ali pano umulimo wa kusimikila ukatungululwa. Iumba Ilikatungulula lyayela apa maofesi yakalamba uku New York, U.S.A., kuli kuno yakaangalila imilimo iingi ikaombwa pa maofesi anoono aaya umu mpanga izipusane-pusane. Yonsi aakaomba pa vikulwa vii yaya ulupwa longa luno yakati ulupwa lwa pa Betele. Yakaikala pamwi, kuliila pamwi, nu kusambilila Baibolo pamwi.—Masamu 133:1.

Pa Betele paya aomvi aipeelesya ukuomba. Pa Betele paya Aina Klistu aonsi na anaci aipeelesya ukucita vino Leza akaalonda nu kuombela ku kutungilila ivya Wene wakwe Leza. (Mateo 6:33) Yonsi aakaombela papa yasyafola, nomba, yakayapekanyizya umwakwikala, ivyakulya, alino na kalupiya kakukalilamo utwakuzwala nu tuntu tuze tuno yakalonda. Cila-muntu wakwata vino akaombelapo; yamwi yakaombela umu ofesi, ku kweleka ivyakulya, nu kupekanya umwakuliila. Kwaya na yamwi aakaombela uku kupulinta nu kupanga mabuku, yauze nayo ku kuzifya umwakulaala, ukufula ivyakuzwala, ukulungisya ivintu, nanti sile milimo yuze ipusane-pusane.

Antu ayapo yakaombesya umu mulimo wakutungilila ukukosola pa Wene. Umulandu ukalamba sana uno kwayela Betele u wa kuti antu aingi sana yamanye icumi ca muli Baibolo. Na kabuku kwene kaa, yakapangiile uku Betele pa kuti antu aingi yasambilile. Iumba Ilikatungulula lyapekinye ukuti kuye akabuku kaa, lyene lino kalemvilwe umu Cizungu, yakatumile apa Intaneti ku maumba apusane-pusane mu nsi yonsi pa kuti yakasenule umu ndimi zipusane-pusane, nu kukapulinta pali vimasini vikulu cuze ivyaya umu maBetele yamwi-yamwi, alino nu kukatuma uku vilongano ivingi ukuluta pali 100,000. Pa kuti ulupapulo lufike uku yantu, aomvi apa Betele yakaombesya, pano cino yacindamika sana u kutungilila umulimo wa kukosoola ilandwe lisuma.—Mako 13:10.

  • Aaweni aakaombela pa Betele, kupya yakayasakamala umu musango ci?

  • U mulimo ci uulinzile ukuombwa zuwa uno aomvi ya pa Betele yakatungilila?