Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Uzye Ndakai Aaweni Aakacita Vino Yeova Akaalonda?

 Isambililo 4

U Mulandu Ci Uno Twapangila Baibo wa Amalembo ya Calo Cipya?

U Mulandu Ci Uno Twapangila Baibo wa Amalembo ya Calo Cipya?

Ku Congo (Kinshasa)

Ku Rwanda

Cipande cino Symmachus walemvile pano paya izina lyakwe Leza pali Masamu 69:31, ku myaka ya 200 C.E.

Pa myaka iingi cuze, ya Nte Yakwe Yeova yaomvyanga ma Baibolo apusane-pusane, nupya ali yano yapulintanga nu kupulinta, alino nu kupeela antu. Nomba twaweni ukuti cikulondekwa ukupanga Baibolo yangupale iingazwa antu ukusambilila icumi, pano aali vino Leza akaalonda ukuti antu yonsi yamanye icumi. (1 Timoti 2:3, 4) Acino, umu 1950 twatandike ukusenulako amabuku yamwi-yamwi amuli Baibolo ino ndakayi tukati Amalembo ya Calo Cipya. Baibolo ii yasenulwa ningo sana ukukonka vivi kwene vino yalemvilwe pa kutandika, yasenulwa umu ndimi ukuluta pali 100.

Kwalondekwanga Baibolo iyangupale ukumvwa. Nga papita imyaka, indimi zikasenuka, alino umu ma Baibolo aingi yano yasenula mwaya amazwi aasiuvwika, na akuti pa nsita ii yasiomba nu kuomba, lyene cikatala ukumvwa vino vilemvilwe. Alino na cuze i cakuti, ndakayi kwazanwa impapulo zya mpiti sana izyalemvilwe ningo ukulingana na vino izwi lyakwe Leza lyalemvilwe, zili zino zikatwavwa ukuvwikisya indimi zino Izwi Lyakwe Leza lyalembiilwemo izya ciYebulai, ciAlamaiki, ni ciGliki.

Kwalondekwanga Baibolo iitavulunganya izwi lyakwe Leza. Aakusenula Baibolo yatafwile ukulemba sile vino yakulonda; yalinzile ukulemba ukulingana na vino amazwi ya nkoleelo yaali. Nomba, umu ma Baibolo aingi yafuutamo izina lyakwe Leza, ilyakuti Yeova.

Kwalondekwanga Baibolo iikacindika Uwaipanzile. (2 Samuele 23:2) Muli Baibolo yakuti Amalembo ya Calo Cipya, mwaya izina, Yeova, kulingana na vino impapulo zya mpiti sana zikalanga amaila umupipi na 7,000 ndi vino mukulola apa cikope icili apisika. (Masamu 83:18) Aasenulanga Baibolo ii yaomvile sana pa myaka iingi icakuti na vino yasenwile vikauvwika ningo nga mukuwelenga, cika-avwa nu kuvwikisya Izwi lyakwe Leza. Nanti mwakwata Baibolo yakuti Amalembo ya Calo Cipya umu lulimi lwinu nanti foo, cino tukumukomelezya i cakuti mwawelenga Izwi Lyakwe Yeova cila-wanda.—Yoswa 1:8; Masamu 1:2, 3.

  • U mulandu ci uno twapingwililepo ukusenula Baibolo ipya?

  • I vintu ci ivisuma vino cila-muntu alinzile ukucita cila-wanda pa kuti amanye vino Leza akaalonda?