Skip to content

Muye pa utantiko unono

Inte Zyakwe Yeova

Cimambwe-Lungu

I Cani Icingamwavwa Ukuya ni Nsansa apa Ng’anda?

I Cani Icingamwavwa Ukuya ni Nsansa apa Ng’anda?

Uzye mungati . . .

  • u kutemwana?

  • impiya?

  • a cuze sile?

 VINO BAIBOLO IKASAMBILIZYA AEVI:

‘Ansansa ayayo aakauvwa izwi lyakwe Leza nu kulisunga!’—Luka 11:28.

CILAYA ULI NDI MUKUSUNGA IZWI LYAKWE LEZA?

Mulaatemwana sana.—Efeso 5:28, 29.

Mulaacindikana sana.—Efeso 5:33.

Mulaaya nu mutende wa cumi.—Mako 10:6-9.

 UZYE I CUMICUMI TUNGAZUMILA VINO BAIBOLO IKASAMBILIZYA?

Ee, ivintu vili ivingalenga tuzumile aevi:

  • Leza ali Katandika wa lupwa. Baibolo ikasambilizya ukuti Yeova Leza aliwe wapeela ‘indupwa zyonsi . . . amaziina.’ (Efeso 3:14, 15) Umu mazwi yauze, tungati ulupwa lwayapo pano Yeova u walenzile ukuti luyeko. U mulandu ci uno cacindamila ukumanya icisinka cii?

    Mutale mwelenganye pali cii: Ndi cakuti mwalile ivyakulya ivilyompe, vino yelike ningo sana, nupya mukulonda ukumanya vino yavyeliike, a weni wino munguzya? Uzye asi a wiiya kwene uwavyeliike?

    I cilicimwi kwene nu kumanya ivyakucita pakuti umu lupwa mwalukuya insansa, tufwile ukuvwa kuli Yeova wino walenzile ukuti indupwa ziyeko.—Ukutendeka 2:18-24.

  • Leza akamusakamala cuze. I ca mano ukuti indupwa zyauvwa kuli vino Yeova akasambilizya ukupitila muli Baibolo. U mulandu ci? “Pano wene akamusakamala.” (1 Petulo 5:6, 7) Yeova akalonda ukuti mwaya sana ni nsansa—na vino akatusambilizya vikatwazwa lyonsi!—Amapinda 3:5, 6; Ezaya 48:17, 18.

 VWILINI MUNGATI ULI?

Uzye mungacita uli pakuti muye iya musuma, umuci musuma, nanti umuvyazi musuma?

Baibolo ika-asuka icuzyo kwene cii pali EFESO 5:1, 2 na pali KOLOSE 3:18-21.