Skip to content

Muye pa utantiko unono

Inte Zyakwe Yeova

Cimambwe-Lungu

Uzye Mwemo Mukati Baibolo Ibuku lya Musango Ci?

Uzye Mwemo Mukati Baibolo Ibuku lya Musango Ci?

Uzye mungati . . .

  • i buku lya mano ya yantu?

  • i buku lya tulai na malyasi ya ufi?

  • Iizwi Lyakwe Leza?

 VINO BAIBOLO IKASAMBILIZYA AEVI:

“Malembelo yonsi amuzilo yafuma kuli Leza.”—2 Timoti 3:16, Amalembo ya Calo Cipya.

CILAYA ULI NDI MWAZUMILA UKUTI BAIBOLO YAFUMA KULI LEZA?

Mulazana amasuko uku vyuzyo ivicindame sana.—Amapinda 2:1-5.

Ilaamwazwa ukuya ni nsansa cila-wanda.—Masamu 119:105.

Mulaataila sana ukuti uku nkoleelo ivintu vilaziipa.—Loma 15:4.

 UZYE I CUMICUMI TUNGAZUMILA VINO BAIBOLO IKASAMBILIZYA?

Ee, ivintu vitatu ivingalenga tuzumile aevi:

  • Ivyeo ivyaya mwenemo vikauvwana sana. Baibolo yalemvilwe na antu apusane-pusane 40 pa myaka ukucila pali 1,600. Aingi pali yaa yatatazile iyalolanapo. Nomba, ivyeo vyonsi ivyaya mwenemo vikauvwana, vikalanda pa cisinka icicindame sana conga!

  • Mwaya malyasi yacumi. Aasambilila pa malyasi ya mpiti ilingi kwene yakafisa ndi cakuti antu yao yacimviwe umu nkondo. Nomba yano yalemvile Baibolo yene, yalemvile vyonsi vino yafizilwe, kumwi na vino antu yao yaluvyanyanga.—2 Imilandu 36:15, 16; Masamu 51:1-4.

  • Mwaya usoowelo wa cumi. Baibolo yasoowile ukuti umusumba wa Babiloni uwaliko mpiti wali nu konoonwa, yasoowile ala kwasyala imyaka 200. (Ezaya 13:17-22) Baibolo yalondolwile vino umusumba wali nu konoonwa, yalanzile ni ziina lya muntu uwali nu kucimvya!—Ezaya 45:1-3.

Muli Baibolo, mwaya mausoowelo na yauze aingi aafikiliziiwe ukwaula ukusyapo nanti kamwi pali vino vyalanzilwe. Vikwene avino izwi lyakwe Leza lifwile ukuya, uzye asi avivyo?—2 Petulo 1:21.

 VWILINI MUNGATI ULI?

Uzye Izwi Lyakwe Leza lingamwavwa uli ukwikala ningo?

Baibolo ika-asuka icuzyo kwene cii pali EZAYA 48:17, 18 na pali 2 TIMOTI 3:16, 17.