Skip to content

Muye pa utantiko unono

Inte Zyakwe Yeova

Cimambwe-Lungu

Uzye Ukucula Kulatala Kusile?

Uzye Ukucula Kulatala Kusile?

Uzye mungati . . .

  • ee?

  • awe?

  • limwi?

 VINO BAIBOLO IKASAMBILIZYA AEVI:

“Leza . . . alakumbula aminsozi yonsi uku manso yao. Kutalaya nupya ukufwa, nanti ukulosya, nanti ukukuuta, nanti ukucululuka.”—Umbwilo 21:3, 4, Cimambwe New Testament

CINO CAZIIPILA UKUMANYA UKUTI UKUCULA KULASILA

Tukasininkizya ukuti asi Leza wino akalenga ukuti tuye na mavya.—Yakobo 1:13.

Tukateekeziwa ndi twamanya ukuti Leza akatuvwila uluse lino tukucula.—Sekaria 2:8.

Tukataila ukuti ukucula konsi kulasila.—Masamu 37:9-11.

 UZYE I CUMICUMI TUNGAZUMILA VINO BAIBOLO IKASAMBILIZYA?

Ee, ivintu viili ivingalenga tuzumile aevi:

  • Leza wapata ukucula nu lufyengo. Elenganyini pali vino Leza uvwile lino antu yakwe aaliko mpiti yayacuzyanga. Baibolo ikati Leza wakaliipe sana pa mulandu na “yaya ayatitikizyanga.”—Abapingushi 2:18, Amalembo ya Calo Cipya.

    Leza wapata sana antu yano yakacuzya auze. Wakwe vino Baibolo ikalanda ukuti “iminwe iikazwisya uwazi wa muntu wa kaele” iya winyi kuli aliwe.—Amapinda 6:16, 17.

  • Leza akasakamala umuntu wenga na wenga. Cila-muntu “wamanya ukuti waya ni cinkunka cakwe nu kuwaika kwakwe,” nomba na Yeova kwene wamanya ivikatucuzya cila-muntu!—2 Imilandu 6:29, 30.

Likwene sile Yeova alaomvya Uwene wakwe ukusisyapo amacuzi yano umuntu wenga na wenga waya nayo. (Mateo 6:9, 10) Pa nsita ii, akateekezya yonsi aakamulonda umu cumi.—Imilimo 17:27; 2 Kolinto 1:3, 4.

 VWILINI MUNGATI ULI?

U mulandu ci uno Leza walekela ukuti ucuzi utwalilile?

Baibolo ika-asuka icuzyo kwene ci pali LOMA 5:12 na pali 2 PETULO 3:9.