Skip to content

Muye pa utantiko unono

Inte Zyakwe Yeova

Cimambwe-Lungu

Uzye Uwene Wakwe Leza I Cani?

Uzye Uwene Wakwe Leza I Cani?

Uzye mungati . . .

  • a cimwi sile icaya umu mwenzo?

  • i mvwango sile?

  • u uteeko uwaya umwiyulu?

 VINO BAIBO IKASAMBILIZYA AEVI

“Leza wa kwiyulu alakatusya uwene wakwe uno utalatala wononwe.” —Danieli 2:44, Amazwi Yakwe Leza.

‘Yatiyatupeela umwana umonsi wino yatiyatwika uwene apa ciye cakwe.’—Ezaya 9:6.

VINO ICINTU CII CIKUPILIULA

  •  Kwaya uteeko uololoke ungamucitila ivintu ivisuma sana.—Ezaya 48:17, 18.

  • Umu nsi ipya ikwiza, kulaya umi usuma uwa nsansa zitupu. —Umbwilo 21:3, 4.

UZYE TUNGATAILA VINO BAIBO IKASAMBILIZYA?

Ee, ivintu viili ivingalenga tutaile aevi:

  • Yesu walangilile vino Uwene wakwe Leza ulacita. Yesu wasambilizye alondezi yakwe ukupepela Uwene ukwiza, nu kuti ukulonda kwakwe Leza kucitwe pano nsi. (Mateo 6:9, 10) Vino Yesu wacisile, vyalangilile vino ipepo lilyo lilaasukwa.

    Lino Yesu wali pano nsi, walisizye antu aali ni nzala, wapozizye alwale, nu kutuutulula afwe! (Mateo 15:29-38; Yoane 11:38-44) Yesu wii Kateeka wa Wene wakwe Leza, wacisile ivintu ivingi ku kulangilila vino Uwene ulacitila antu uku nkoleelo.—Umbwilo 11:15.

  • Ivikucitika umu nsi ndakai vikusininkizya ukuti likwene sile Uwene wasya wize. Yesu wasoowile ukuti lino kwasyala sile akasita akanono kuti Uwene ulete umutende pano nsi, kulaya inkondo, vipowe, ni vilundumusi.—Mateo 24:3, 7.

    Ivintu vivyo vikucitika Ndakai. Fwandi tungasininkizya ukuti likwene sile Uwene wakwe Leza wasya usisyepo ivipe vyonsi kwene.

VWILINI MUNGATI ULI?

Uzye antu yalaikala uli lino Uwene Wakwe Leza ulaateeka insi?

Baibo ika-asuka icuzyo kwene ci pa MASAMU 37:29 na pali EZAYA 65:21-23.