Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

“Ikalini mu kutemwa kwakwe Leza”

 VYEO NAVYUZE

Kukontamila Fulagi, Kuvoota, nu Kuombela Uteeko

Kukontamila Fulagi, Kuvoota, nu Kuombela Uteeko

Kukontamila fulagi. Ya Nte Yakwe Yeova yaazumila ukuti ukukontamila nanti ukucita salyuti kuli fulagi, ala mukwimba nu lwimbo lwa cisipa, u kupepa fulagi kwene, nupya ala mukulenga impanga nanti ya kateeka ukuti aliyo yamupususye, asi Leza, foo. (Ezaya 43:11; 1 Kolinto 10:14; 1 Yoane 5:21) Kateka umwi uwapepwanga vivyo wali a Nebukadineza Umwene wa Babiloni. Apa kulanga antu ukuti wali sana umucindamisye nupya walondekwanga ukupepwa, kateeka wiyo wakuuzile iciluwi cimwi cikulu cuze nupya wapatikizye ateekwa yakwe yonsi ukukontamila iciluwi cico, ala yamwi yakulizya nu lwimbo kwati u lwimbo lwa cisipa. Lelo alumendo yatatu Ayebulai—kulikuti Syadilaki, Mesyaki, na Abedinego—yaakanyile ukukontamila iciluwi ciici, nanti cakuti yaayanenyile ukuti nga yatakontiime yaali nu kumolwa.—Danieli, cipande 3.

Umonsi umwi uwasambilila sana pa malyasi ya mpiti, Carlton Hayes walemvile ati, “Icintu cimwi cino antu aatemwisya impanga yao yaataila sana, cino yakapepa sana, a fulagi. Aonsi yakazula ni ngowani zyao ndi yamwi yatiyakatusya fulagi yakuipisya; nu kulumbanya sana fulagi wiyo ala na ana yakwimba inyimbo.” Nupya walanzile nu kuti antu atemwisya impanga ino yakaikalamo yakwata na manda yano yakati amuzilo. Lino kwali ukuzevya kwa yantu yonsi uku Brazil, umukalamba wa yasilika umwi walanzile  ati: “Fulagi ikacindikwa sana nupya ikapepwa . . . wakwe vino ni mpanga ikapepwa.” I cumicumi, antu yaazumila ukuti “fulagi yaaya i yamuzilo wakwe vino umusalawa waya,” ndi vino ibuku lyakuti The Encyclopedia Americana lyalanzile insita imwi.

Ibuku lyakwe Encyclopedia lino twalumbula papela lyalanzile likwene sile ukuti inyimbo zya cisipa “zyaelako ukulangilila vino antu yatemwisya impanga yao, nupya ilingi mu nyimbo zizyo mukaya mazwi aakalangilila ukuti Leza afwile ukucingilila nu kutungilila antu na ya kateeka yao.” Fwandi asi kuti ya Nte Yakwe Yeova yataaya ningo pali vino yakalola ukuzevya kwa mpanga kuno yakaomvya na ya fulagi ni nyimbo zya cisipa ukuti u kupepa ivintu vivyo. Nupya ibuku limwi ilyakuti The American Character lyalanzile pali vino ana yakwe ya Nte Yakwe Yeova yakaakana ukukontamila fulagi nanti ukulapa imilapo ya kulangilila ukucindika masukulu yao uku America ukuti: “Icilye cikalamba iicisuka cizumila ukuti ivintu vii vyaya uupefi.”

Nanti cakuti ya Nte Yakwe Yeova yasizevyako ivintu vino yakalola ukuti malembelo yalesya, yaacindika insambu zya yantu yauze aakazevya. Nupya yasiisaalula ya fulagi aakaimililako impanga, alino nupya yakauvwila mauteeko aaya wa “muomvi wakwe Leza.” (Loma 13:1-4) Fwandi ali cino ya Nte Yakwe Yeova yakauvwila ni sunde ilikati yapepela “yakateeka ni ntunguluzi zyonsi.” Lelo cino tukalondesya, u kuti “swensi twaikala umi usi wa cimvulunganya nupya uwa mutende, twalumbanya Leza pali vyonsi mukutekela.”—1 Timoti 2:2.

Kuvootela amu uteeko. Aina Klistu yacindika vino antu yauze yakavoota. Yene yasizuka-yakunena antu ukuti yakasoolole kateeka muze, nupya yonsi aasoololwa ukuya umu uteeko, ala yaayo kwene ayano yalauvwila. Lelo yasiezya nanti panono ukuyika umu vikanza vya miteekele. (Mateo 22:21; 1 Petulo 3:16) Nga ndi cakuti umu mpanga ino Umwina Klistu akaikalamo isunde lyalanda ukuti aaliwensi atemwe nanti atatemwa, afwile ukuvoota, nanti ndi cakuti antu yauze yatandika ukumucuzya sana pa mulandu nu kukana voota, uzye afwile ukucita uli? Umwina Klistu wino icintu cico cacitikila, akaiusya ukuti Syadilaki, Mesyaki, na Abedinego yaaileko uku nyika ya Dula; fwandi nawe kwene angapingulapo ukuya kuno yakuvootela, aya ingila nu mu kang’anda kakuvotelamo ndi cakuti kampingu wakwe wamuzumilizya. Lelo  afwile ukucenjela ukuti atavulunginye vino wapingulapo ukukana yiika umu vikanza vya mpanga. Alinzile ukwiusya ivisinte 6 ivili apisika:

  1. Alondezi yakwe Yesu yataaya wa ‘antu amu nsi.’—Yoane 15:19.

  2. Aina Klistu yakaimililako Klistu nu Wene wakwe.—Yoane 18:36; 2 Kolinto 5:20.

  3. Yonsi amu cilongano yaazumila ivilivimwi, nupya yalemana pa mulandu nu kutemwa.—1 Kolinto 1:10; Kolose 3:14.

  4. Yonsi aakavoota nu kusoolola uwa kuyateeka, ala vyonsi vino alacita, nayo kwene yakwetiko umulandu.—Lolini ivisinte ivyaya umu mazwi ya pali 1 Samueli 8:5, 10-18 na 1 Timoti 5:22.

  5. Lino aina Izlaeli yalondesyanga umwene uwakuyateeka, Yeova waweni icintu cico ukuti yaalangililanga ukuti yaamukaanyile.—1 Samueli 8:7.

  6. Aina Klistu yalinzile ukuya nu untungwa wa kulanda uku yantu yonsi nu kuyanena pa Wene Wakwe Leza asi mulandu nu uteeko uno antu yaasoolola.—Mateo 24:14; 28:19, 20; Ayebulai 10:35.

Kuombela uteeko. Uku mpanga zimwi kwaya isunde lyakuti umuntu ndi wakaana ukuomba usilika, afwile ukuomba imilimo imwi iya uteeko isi ya usilika. Ndi cintu cico catucitikila, tulinzile ukupepelapo sana, limwi cingazipa ukuti itunenako nu Mwina Klistu unji uwaombela Leza pa myaka iingi, pakuti itupingulapo ningo ivyakucita kulingana na kampingu witu.—Mapinda 2:1-5; Filipi 4:5.

Izwi lyakwe Leza likatuneena “ukutontela yakateeka na yao ali pa utunguluzi, kuyela nga nu kuiteyanya kucita visuma mu musango onsi, . . . nupya lyonsi yalinzile kufukila umuntu ali wensi.” (Tito 3:1, 2) Lyene pa mulandu ni cintu cii, limwi tungayuzya sweineco tuti: ‘Uzye ndi nazumila ukuomba umulimo uu usi wa usilika, cilalenga ntandike ukuyika umu vikanza vya mpanga nanti ukutandika ukucita ivya mu mipepele yaufi?’ (Mika 4:3, 5; 2 Kolinto 6:16, 17) ‘Uzye ukuomba umulimo uu kulalenga ukuti cikankomele ukuomba ningo imilimo ya mu cilongano nanti sile ukukana iomba?’ (Mateo 28:19, 20; Efeso 6:4; Ayebulai 10:24, 25) ‘Nanti uzye, limwi ukuomba umulimo uu kulaansiilako insita iyakuombesya  umulimo wakwe Leza, icakuti limwi ndaombako nu mulimo wa nsita yonsi?’—Ayebulai 6:11, 12.

Ndi cakuti umwina Klistu uvwa ukuti kampingu wakwe wamuzumilizya ukuti angaomba umulimo usi wa usilika kucila ukuya uku cifungo, Aina Klistu yauze yalinzile ukucindika vino wapingula. (Loma 14:10) Lelo ndi cakuti umwi uvwa ukuti wene atanga aombe milimo iiyo, nalyo kwene yauze yalinzile ukucindika vino wapingula.—1 Kolinto 10:29; 2 Kolinto 1:24.