Skip to content

Muye pa utantiko unono

Inte Zyakwe Yeova

Cimambwe-Lungu

Uzye I Cisinka Ukuti Afwe Yalaya Aumi Nupya?

Uzye I Cisinka Ukuti Afwe Yalaya Aumi Nupya?

Uzye mungati . . .

  • ee?

  • awe?

  • limwi?

 VINO BAIBOLO IKASAMBILIZYA AEVI:

“Kulaya ukututuluka.”—Milimo 24:15, Amalembo ya Calo Cipya.

CILAYA ULI NDI MWAZUMILA UKUTI AFWE YALAZYUKA?

Mulaateeka umwenzo lino antu yano mwatemwa yafwa.—2 Kolinto 1:3, 4.

Mutalaatiina sana ukufwa.—Ayebulai 2:15.

Mulaataila sana ukuti wanda umwi atemwikwa inu afwa yalazyuka nupya mulaya pamwi nayo.—Yoane 5:28, 29.

 UZYE I CUMICUMI TUNGAZUMILA VINO BAIBOLO IKASAMBILIZYA?

Ee, ivintu vitatu ivingalenga tuzumile aevi:

  • Leza aali Kaumba wa umi. Baibolo ikati Yeova aliwe “akapela umi.” (Masamu 36:9; Milimo 17:24, 25) Uwaumvile ivintu vyonsi wakwata amaka yakututulula umuntu umufwe.

  • Leza watutulwilepo antu aafwile. Baibolo ikatuneena pa yantu 8 yano Leza watutulwile—kwali ance, aikolo, aonsi, na anaci. Yamwi yaali afwe pa kasita kanono, nomba wenga wali umwilindi amanda yani (4)!—Yoane 11:39-44.

  • Leza akalondesya ukuti nupya kwene ace atutulule afwe. Yeova wapata imfwa; akalola imfwa ukuti u mulwani. (1 Kolinto 15:26) ‘Akalondesya’ ukucimvya umulwani kwene wii, kuli kuti ukufumyapo imfwa lino alatutulula afwe. Akaalonda ukuti ace atutulule yonsi yano akaiusya nu kuleka yace yaye aumi nupya pano nsi.—Yobo 14:14, 15.

 VWILINI MUNGATI ULI?

U mulandu ci uno tukakotela nu kufwa?

Baibolo ika-asuka icuzyo kwene ci pali UKUTENDEKA 3:17-19 na pali LOMA 5:12.