Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Ibuku Lyane Ilya Malyasi Amuli Baibo

CIPUTULWA 5

Kufuma Lino Yaasenzilwe Umu Uzya Ukufika Lino Iviumba Vya Yelusalemu Vyakuuzilwe Nupya

Kufuma Lino Yaasenzilwe Umu Uzya Ukufika Lino Iviumba Vya Yelusalemu Vyakuuzilwe Nupya

Lino aina Izlaeli yaali umu uzya uku Babiloni, yaali sana na mezyo. Syadilaki, Mesyaki, na Abedinego yaayasumbiile umwilungu lya moto ala iilikaya cuze, nomba, Leza wayacingiliile nupya yaafumilemo ala apuma. Lyene, lino aina Babiloni yaayacimvizye uku ina Mede na ina Pesya, Danieli izile iyamusumbila umu ciwina cakwe ya cisama, nomba nawekwene Leza wamucingiliile lino wayazile utunwa twakwe ya cisama.

Lyene umwene wa ku Pesya, Sailasi, wakulwile aina Izlaeli. Lino paapisile sile imyaka 70, aina Izlaeli yaaswiliile uku mpanga yao, kufuma uku Babiloni kuno yaayasenzile umu uzya. Icintu conga pali vino yaatandikiilepo ukucita lino yaaswiliile uku Yelusalemu, u kukuula ing’anda ya kupepelamo Yeova. Nomba, alwani yao yaayalesizye ukuomba umulimo uuwa. Ali cino, pakuti sile yamaliile ukukuula ing’anda ya kupepelamo, casenzile imyaka umupiipi na 22 ukufuma pano yaaweliile umu Yelusalemu.

Nacunze, tulasambilila pali Ezila lino wawezile uku Yelusalemu umu kuzifilizya ing’anda ya kupepelamo Yeova. Wawezile ala paapita ni myaka 47 ukufuma pano yaamaliliile ukukuula ing’anda ya kupepelelamo. Nupya, imyaka 13 kufuma pano Ezila waweliile, Neemiya nawe wizile aazwilizya ukukuula ningo-ningo iviumba vya Yelusalemu ivyawiile. Ciputulwa Cakwe CISANO (5) cikaalanda pa vintu ivyacitiike pa myaka 152.

 

MU CIPUTULWA CII

ILYASI 77

Yaakaanyile Ukufukamila Icinkolanya

Uzye Leza angatuula acance yaa yatatu umwi lungu lya moto?

ILYASI 78

Ivilembo Pa Ciumba

Kasema Danieli wasenula amazwi 4 aatale cuze.

ILYASI 79

Danieli Umu Ciwina Cakwe Ya Cisama

Danieli yamupingula ukufwa, uzye kwali vino walinzile ukucita pakuti yatamupingula vii?

ILYASI 80

ntu Yakwe Leza Yaafuma Umu Babiloni

Mwene Sailasi wa Pesya wafikilizya usesemo lino wacimvya Babiloni, napya wafikilizya usesemo uze.

ILYASI 81

Yaataaile Ukuti Leza Alayazwa

Aina Izlaeli yasoolola ukuvwila Leza ukucila ukuvwila muntu. Uzye Leza wali nu kuyapolelela?

ILYASI 82

Modekai Na Esita

Na Mwene Vasyiti waali umusuma cuze, nomba mwene Aasuwelo wamufumya pali una Mwene nu kwikapo Esita. Icani calenzile?

ILYASI 83

Viumba Vya Yelusalemu

Lino yakukuula ilinga, aomvi yaiteyanyanga ni vyanzo kasanya nu usiku.