Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Swe Ina Klistu nu Mulimo Witu–Kabuku ka Kuomvya pa Kulongana  |  Okotoba 2016

 VINO SWE INA KLISTU TWAAYA

Uzye Mukaomvya Ningo Tumakadi Twakwe JW.ORG?

Uzye Mukaomvya Ningo Tumakadi Twakwe JW.ORG?

Umulimo wa kusimikila ukulondekwa ukuombwa zuwa sana, pa mulandu wakuti ucuzi ukulu cuze ukupalama. (Mapi. 24:11, 12, 20) Pakuti twavwe antu, tungaomvya tumakadi utungayatungulula ukwi Zwi Lyakwe Leza alino na kuli webusaiti itu. Pali kakadi paya na kakodi akangayatwala kuli vidyo iyakuti U Mulandu ci Uno Mulinzile Ukusambilila Baibo? alino na mazwi akunena umuntu ndi cakuti angatemwa ukumanyilapo na vyuze nanti ukusambilila Baibo. Antu yamwi yasilonda ukupokako impapulo zitu lelo yakatemwa ukuyula webusaiti itu. Mutaasitoka ukuyapeela tumakadi. Nomba mutalinzile ukupeela aakuloleka ukuti yasikulonda ukusambilila.

Lyonsi lino mukuomba imilimo, mungalandako amazwi yamwi angalenga ukuti umuntu apokeko kakadi, mungalanda muti: “Inkwatako cimwi cino ningatemwa ukumipeelako. Kakadi kaa kangamutwala kuli webusaiti iyakwata ivyeo vino mungasambilila ukwaula ukulipila alino na mavidyo akalanda pa malyasi apusane-pusane.” (Yoa. 4:7) Pa mulandu wakuti tumakadi tuu tutaakula, mungaasendako nanti tunono sile konsi kuno mukuya pakuti mwapeelako antu.