Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Swe Ina Klistu nu Mulimo Witu–Kabuku ka Kuomvya pa Kulongana  |  Maaci 2017

 VINO SWE INA KLISTU TWAAYA

Ivya Kuomvya Akabuku Kaakuti Uzye Ndakai Aaweni Aakacita Vino Yeova Akaalonda?

Ivya Kuomvya Akabuku Kaakuti Uzye Ndakai Aaweni Aakacita Vino Yeova Akaalonda?

Akabuku kaakuti Uzye Ndakai Aaweni Aakacita Vino Yeova Akaalonda? kakaomviwa uku kusambilila nu musambi apa cisila ci sambililo nanti lino mutali mutandike kusambilila. * Masambililo 1 kufika ku 4 yaka-avwa asambi ukumanya ningo ukuti naswe kwene twaya wa yantu yonsi, masambililo 5 kufika ku 14 yaka-avwa asambi ukumanya imilimo itu, lyene masambililo 15 kufika ku 28 yaka-avwa asambi ukumanya iuvi litu. Insita izingi cikaziipa ukusambilila masambililo yaayo kulingana na vino yakonkana, limwi sile ndi cakuti muntu wiyo akulondesya kusambilila api lyasi limwi umu kabuku kwene kaako. Isambililo lyonga na lyonga lyakwata sile ifwa lyonga nupya mungalanzyanya nu musambi mu mamineti sile 5 kufika kuli 10.

  • Mwaika sana mano ukwi uzyo ilili umwi sambililo lino mukulanzyanya

  • Mwawelenga isambililo lyonsi pa muku onga nanti mwaputoola

  • Mwalanzyanya ndi mwawelenga. Mwaomvya sana amauzyo aakaya pisika li sambililo. Mwawelenga nu kulanzyanya malembelo aali muli palagalafu yano mwalola ukuti yangalinga kuwelenga. Mwalondolola vino utumitwe utunono tukwasuka iuzyo lisambililo lino mukulanzyanya

  • Ndi cakuti isambililo likweti akambokosi akakuti “Sambililini Navyuze,” mufwile kuwelenga nupya mwakomelezya umusambi ukuti aomvya ivisinka ivili mu kambokosi

^ par. 3 Akabuku aakaya pa Intaneti aali kano kapitulukwamo.