Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Swe Ina Klistu nu Mulimo Witu–Kabuku ka Kuomvya pa Kulongana  |  Maaci 2016

 IVYUMA IVYAYA UMWIZWI LYAKWE LEZA | YOBO 1-5

Yobo Watwalilile Ukuya Uwa Kaele na Lino Wali Umu Wezyo

Yobo Watwalilile Ukuya Uwa Kaele na Lino Wali Umu Wezyo

Yobo wikalanga umu mpanga ya Uzi apa nsita ino aina Izlaeli yali umu uzya umu Eguputo. Nanti cakuti Yobo ataali umwina Izlaeli, wali a kapepa wakwe Yeova uwa cumi. Wakweti ana aingi, ivyuma ivingi, nupya wacindikwe sana umu mpanga ino wikalangamo. Wali i mpanda mano isuma sana nupya wapingulanga ukwaula kasoozi. Wali na ukapekape uku yapiina alino na yonsi aulizyanga. Yobo wali sana na ukaele.

Yobo wacindike sana Yeova ukuluta vyonsi vino wakweti

1:8-11, 22; 2:2-5

  • Satana wamanyile ukuti Yobo wali na ukaele. Atazumile ukuti Yobo uvwilanga Yeova; lelo watwisikanga icalenzile ukuti Yobo aye na ukaele

  • Satana walanzile ufi ati Yobo waombelanga Yeova pa mulandu na ukaitemwe

  • Pakuti Yeova asinile Satana apa ufi uno walanzile, wamuzumilizye ukuti aezye umuntu uwali sana ni cisinka. Satana waletiile Yobo intazi izingi

  • Lino Yobo watwalilile ukuya na ukaele, Satana watwisike icalenga ukuti antu yonsi yaye na ukaele

  • Yobo atatazile aluvyanye nanti ukupeela Leza umulandu apa macuuzi amucitikili