Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Swe Ina Klistu nu Mulimo Witu–Kabuku ka Kuomvya pa Kulongana  |  Maaci 2016

 VINO SWE INA KLISTU TWAAYA

Imfwa Yakwe Yesu Yalenga Tutaile Ukuti Afwe Yalatuutuluka

Imfwa Yakwe Yesu Yalenga Tutaile Ukuti Afwe Yalatuutuluka

Iciusyo cikalenga twaelenganya sana apa visuma ivilacitika uku nkoleelo pa mulandu wakuti Yesu wapeezile umi wakwe pakuti atukulule, cimwi pali vivyo u kutuutuluka. Yeova atalondanga ukuti antu yaafwa. Ali mulandu kwene uno ukufwilwa kukalenga twauvwa sana ulanda. (1 Kol. 15:26) Lino Lazalo wafwile, Yesu uvwile sana uyi lino waweni kuno asambi yakwe yakuloosya. (Yoa. 11:33-35) Pa mulandu wakuti Yesu akakolanya Isi, fwandi tungataila ukuti na Yeova kwene akauvwa sana uyi ndi walola vino tukuvwa ulanda pa mulandu wa kufwilwa. (Yoa. 14:7) Yeova akaelenganyapo sana apa nsita ino alatuutulula aomvi yakwe, naswe kwene tulinzile twaelenganya vino cilaya apa nsita iiyo.—Yobo 14:14, 15.

Pa mulandu wakuti Leza ataya uwa cimvulunganya, fwandi tungazumila ukuti nu kutuutuluka kwa yafwe nako kwene kutalaya ukwa cimvulunganya. (1 Kol. 14:33, 40) Antu yalaya nu luzango wakwe cimwi lino yalazengela aalatuutuluka, yatalauvwa ulanda kwati yali pa cililo. Uzye mukaelenganya sana pali vino aafwe yalatuutuluka maka-maka ndi mwaya nu ulanda? (2 Kol. 4:17, 18) Uzye mukataizya Yeova pali vino watupeela Umwanakwe kuti atukulule alino na pali vino watulondolwela umu Malembelo ukuti aafwe yalaya nu umi nupya?—Kolo. 3:15.

  • Aacuza inu ci na ya lupwa yano mukalondesya sana ukwizalola kuno yatuutuluka?

  • Aaweni pali yano yalembwa muli Baibo yano mukalondesya sana ukwizalola alino nu kulanda nayo?