Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Swe Ina Klistu nu Mulimo Witu–Kabuku ka Kuomvya pa Kulongana  |  Januwale 2016

 VINO SWE INA KLISTU TWAAYA

Kuomba Ningo Umu Mulimo—Kulanda Amazwi Aangalenga Mukwate Apakuyatandikila Lino Mulaswililako

Kuomba Ningo Umu Mulimo—Kulanda Amazwi Aangalenga Mukwate Apakuyatandikila Lino Mulaswililako

CINO CACINDAMILA:

Tukalonda ukukontelela imbezu zya cumi zino twaata. (1 Kol. 3:6) Fwandi lino twazana umuntu akulondesya ukusambilila Baibo, cingaziipa ukumuuzya iuzyo lyakuti tukalanzyanye nawe lino tulaswililiko. Ukucita vii kungalenga ukuti wino tukusimikila aalondesya ukuti tukaswilileko nupya cingangupala na sana ukupekanya vino tulaya tukalanzyanye nawe umuku uno twaswililko. Lino twaswililako, tungamulondolwela tuti twiza umu kwaasuka iuzyo lino twasiile.

VYA KUCITA:

  • Lino tukupekanya ivya kuyalanda umu kusimikila uku ng’anda ni ng’anda, alino tungapekanya ni iuzyo lya kuya-asuka umuku uno tulaswililako. Iuzyo lino mungamuuzya, limwi lingafuma umu vyeo vino imulanzyanya umu lupapulo luno imumusiila, nanti mu lupapulo lumwi ulwa kusambililamo luno mungaya mukamulange nga mwaswilila.

  • Lino mukulanzyanya amazwi akulekelezya nu muntu akulonda ukuvwa, mufwile kumuneena ukuti mukulonda muce mulande nawe nupya, lyene alino mungamuuzya iuzyo lino imupekanya lya kuyalanzyanya nawe. Cingazipa nu kupoka adelesi nanti inambala yakwe foni pakuti mumanye kuno mungaca mumuzane.

  • Ndi muvwana na wino mukusimikila ukuti mulaswililako, mufwile ukuya pa nsita kwene ino muvwana.—Mate. 5:37.