Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Swe Ina Klistu nu Mulimo Witu–Kabuku ka Kuomvya pa Kulongana  |  Febuluwale 2017

 IVYUMA IVYAYA UMWI ZWI LYAKWE LEZA | EZAYA 58-62

Kukosoola pa Mwaka Uno “Leza Alapususya Antu Yakwe”

Kukosoola pa Mwaka Uno “Leza Alapususya Antu Yakwe”

Umwaka uno “Leza alapususya antu yakwe” asi umwaka uwa cumi cumi

61:1, 2

  • I ciputulwa ca nsita ino Leza wapeela antu aicefye ukuti yuvwe ilandwe lyakwe ilya kupususya

  • Mu nsita ya yatumwa, umwaka wa kupususya watandike lino Yesu watandike ukusimikila umu 29 C.E. nupya wasizile umu nsita ino Yeova ‘wacimvizye’ lino umusumba wa Yelusalemu wononyilwe umu 70 C.E.

  • Umu manda itu, umwaka wa kupususya watandike lino Yesu watandike ukuteka ukwiyulu umu 1914 nupya ulasila umu ucuzi ukulu cuze

Yeova akapolelela antu yakwe wa “miti yalulembelya”

61:3, 4

  • Ilingi imiti itali sana muno nsi ikakulila capamwi umu mpanga, muno mukaya imiti ikatungilila iyuze

  • Imisila ikulu limwi ingapikana muyuze nupya cingalenga ukuti vimiti vikome nanti kungaya icimuza

  • Icisao icikafuma uku vimiti vitali cikacingilila tumiti tunono, nupya amafwa aakalukuta uku vimiti vivyo yakalenga umusili ukuvunda

Yonsi aya umu vilongano vya Ina Klistu ivyaya umu nsi yonsi, yakacingililwa uku “miti yalulembelya” ali kuti uku yapakwe acili pano nsi