Skip to content

Muye pa utantiko unono

Muye pa utantiko wa vilimo

Inte Zyakwe Yeova

Cimambwe-Lungu

Katwimbile Yeova nu Luzango

 LWIMBO 125

Antu ya Luse Yapaalwa!

Sololini Amazwi Akopwe
Antu ya Luse Yapaalwa!

(Mateo 5:7)

  1. 1. Leza wakwata uluse;

    Waya na mizu ya cumi.

    Akazanga ndi cakuti

    Akwazwa aomvi yakwe.

    Yonsi yano yalapila,

    Akayayelelu luse.

    Watumanya vino twaya,

    Acino akatwelela.

  2. 2. Ndi cakuti twaluvyanya,

    Tungalenga atwelele.

    Yesu watusambilizye;

    Watiile twapepa tuti:

    ‘Utweleli membu zitu

    Vino tukaelelana.’

    Fwandi nga tukwelelana,

    Tulaaya ni nsansa lyonsi.

  3. 3. Nga tukulanga uluse,

    Twalanga nu mwenzo onsi.

    Asi kuti tulumbuke,

    Lelo u kuzanzya anji.

    Lyene Leza aakalola,

    Wene alatulambula.

    Cumi aluse yapaalwa;

    Leza wayatemwa cuze.

(Lolini na Mate. 6:2-4, 12-14.)