Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA NOVAMBRA 2015

Valin’ireo Fanontaniana Ara-baiboly

Valin’ireo Fanontaniana Ara-baiboly

Mbola ho velona ve ny maty?

Tena afaka manangana ny maty ilay Mpamorona ny aina

I Jehovah no Loharanon’aina. (Salamo 36:9) Tsy ho vitany àry ve ny hanangana ny olona efa maty? Manome toky ny Baiboly fa izany mihitsy no hataony tsy ho ela. (Vakio ny Asan’ny Apostoly 24:15) Fa nahoana izy no te hanao an’izany?

Tian’ny Mpamorona hiaina mandrakizay eto an-tany isika, ary efa hatramin’ny voalohany izy no nieritreritra an’izany. (Genesisy 1:31; 2:15-17) Mbola izany ihany no tiany hatao hatramin’izao. Malahelo izy mahita ny fiainantsika sady fohy no feno olana.—Vakio ny Joba 14:1, 14, 15.

Ho aiza ireo hatsangana amin’ny maty?

Noforonin’Andriamanitra mba hiaina any an-danitra ve ny olona? Tsia. Ny anjely no nataony hiaina any, fa ny olona kosa nataony hiaina eto an-tany. (Genesisy 1:28; Joba 38:4, 7) Eritrereto koa ireo olona natsangan’i Jesosy tamin’ny maty. Natsangany teto an-tany izy ireny. Hatsangany ho eto an-tany koa àry ny ankamaroan’ireo maty.—Vakio ny Jaona 5:28, 29; 11:44.

Misy olona vitsivitsy anefa nofidin’Andriamanitra mba hankany an-danitra, ary ho lasa fanahy izy ireo. (Lioka 12:32; 1 Korintianina 15:49, 50) Ho mpanjaka hitondra ny tany miaraka amin’i Kristy ireo hatsangana ho any an-danitra.—Vakio ny Apokalypsy 5:9, 10.

 

Fanampim-panazavana

Inona no Atao hoe Fitsanganana Amin’ny Maty?

Mety ho gaga ianao rehefa mahalala hoe iza avy no hatsangana amin’ny maty.