Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA SEPTAMBRA 2015

Valin’ireo Fanontaniana Ara-baiboly

Valin’ireo Fanontaniana Ara-baiboly

Nahoana no misy faminaniana ao amin’ny Baiboly?

Nahoana ny Baiboly no Nilaza Mialoha izay Hitranga Amin’ny Androntsika?—Lioka 21:10, 11.

Tsy misy olona mahavita milaza ny hoavy amin’ny an-tsipiriany izany mihitsy. Ao amin’ny Baiboly anefa misy faminaniana be dia be, ary amin’ny an-tsipiriany izy ireny sady efa tanteraka ny sasany aminy. Porofo izany fa Tenin’Andriamanitra ny Baiboly.—Vakio ny Josoa 23:14; 2 Petera 1:20, 21.

Vao mainka isika lasa mino an’Andriamanitra, rehefa mahita hoe tanteraka ireny faminaniana ao amin’ny Baiboly ireny. (Hebreo 11:1) Manome toky antsika koa izy ireny fa ho tanteraka ny fampanantenan’Andriamanitra hoe ho tsara be ny hoavy. Mahatonga antsika hanana fanantenana àry ny faminaniana ao amin’ny Baiboly.—Vakio ny Salamo 37:29; Romanina 15:4.

Nahoana no ilaintsika ny faminaniana ao amin’ny Baiboly?

Manampy ny mpanompon’Andriamanitra ho mailo ny faminaniana sasany ao amin’ny Baiboly, ka mampirisika azy ireo hanao zavatra. Rehefa hitan’ny Kristianina voalohany, ohatra, fa tanteraka ny faminaniana sasany, dia niala tao Jerosalema izy ireo. Noravana io tanàna io tatỳ aoriana, satria tsy nino an’i Jesosy ny ankamaroan’ny olona tao. Efa nifindra tany amin’ny toerana lavitra be ireo Kristianina tamin’izay, ka voavonjy.—Vakio ny Lioka 21:20-22.

Misy faminaniana efa tanteraka koa amin’izao, ary manaporofo izy ireny fa kely sisa ny Fanjakan’Andriamanitra dia hanafoana ny fanjakan’olombelona. (Daniela 2:44; Lioka 21:31) I Jesosy Kristy no notendren’Andriamanitra ho Mpanjakan’izy io. Mila manao zavatra haingana àry isika tsirairay dieny izao, raha te hahazo sitraka amin’i Jesosy.—Vakio ny Lioka 21:34-36.

 

Fanampim-panazavana

Inona ny Fanjakan’Andriamanitra?

Fantaro hoe nahoana ny Fanjakan’Andriamanitra no ambony noho ny fanjakana hafa.

Naminany ny Hahatongavan’ny Mesia i Daniela

Efa nolazain’Andriamanitra 500 taona mahery mialoha hoe oviana marina no ho tonga ny Mesia. Ho hitanao ato io faminaniana mahavariana io.