Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Ny Tilikambo Fiambenana  |  Aogositra 2015

Valin’ireo Fanontaniana Ara-baiboly

Valin’ireo Fanontaniana Ara-baiboly

Inona no mety hampisy dikany ny fiainantsika?

Efa nieritreritra ve ianao hoe fohy loatra ny fiainana?

Efa nieritreritra ve ianao hoe ny fiainana ve izany dia tsy misy afa-tsy ny milalao, miasa, manambady, mitaiza, ary mihantitra? (Joba 14:1, 2) Milaza ny Baiboly fa na ny olona tena nahay be aza mba lasa saina ny amin’izany.—Vakio ny Mpitoriteny 2:11.

Mba misy dikany ihany ve ny fiainana? Mila mieritreritra aloha isika hoe ahoana no nampisy ny fiainana. Rehefa avy nandinika ny fomba namoronana ny atidohantsika sy ny vatantsika ny olona, dia betsaka no niaiky hoe misy Mpamorona hendry nanao an’ireny. (Vakio ny Salamo 139:14.) Raha izany àry no izy, dia misy antony matoa izy namorona antsika! Hisy dikany kokoa ny fiainana raha mianatra an’izany antony izany isika.

Inona no antony namoronana ny olombelona?

Nitso-drano ny mpivady voalohany Andriamanitra sady nanome asa tena tsara ho azy ireo. Ny fikasany dia hoe hameno ny tany izy ireo, hanao ny tany ho paradisa, ary hiaina mandrakizay.—Vakio ny Genesisy 1:28, 31.

Tsy tanteraka avy hatrany ilay fikasan’Andriamanitra rehefa nikomy taminy ny olona. Tsy hoe navelan’Andriamanitra tamin’izao anefa isika. Tsy niova koa ny fikasany momba antsika sy ny tany. Milaza ny Baiboly fa hamonjy ny olona tsy mivadika aminy izy, ary ho tanteraka ny fikasany momba ny tany. Tian’Andriamanitra hankafy ny fiainana toy ny nieritreretany azy àry ianao! (Vakio ny Salamo 37:29.) Jereo ao amin’ny Baiboly hoe ahoana no ahazoanao an’izany fiainana izany.

 

Fanampim-panazavana

Inona Marina no Ampianarin’ny Baiboly?

Inona no Fikasan’Andriamanitra Momba ny Tany?

Ho tanteraka ve ny fikasan’Andriamanitra hanova ny tany ho paradisa? Raha eny, dia rahoviana?

VALIN’IREO FANONTANIANA ARA-BAIBOLY

Inona no Antony Ahavelomantsika?

Efa nieritreritra ve ianao hoe: ‘Inona no antony namoronana antsika?’ Vakio ato ny fanazavana omen’ny Baiboly.