Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA DESAMBRA 2014

 MATOAN-DAHATSORATRA | AZO ATAO VE NY MINAMANA AMIN’ANDRIAMANITRA?

Fantaro ny Anaran’Andriamanitra ary Ampiasao

Fantaro ny Anaran’Andriamanitra ary Ampiasao

Misy namanao be ve nefa tsy fantatrao ny anarany? Azo antoka fa tsia! Marina àry ny tenin’i Irina, vehivavy any Boligaria, hoe: “Tsy ho lasa naman’Andriamanitra mihitsy ianao raha tsy mahay ny anarany.” Faly isika fa asain’Andriamanitra manatona azy, araka ny hitantsika teo aloha. Nampahafantariny antsika ao amin’ny Baiboly àry ny anarany. Hoy izy: “Izaho no Jehovah! Izany no anarako.”—Isaia 42:8.

Nampahafantarin’Andriamanitra antsika ao amin’ny Baiboly ny anarany. Hoy izy: “Izaho no Jehovah! Izany no anarako.”—Isaia 42:8

Tena tian’i Jehovah hahalala sy hampiasa ny anarany tokoa ve ianao? Diniho fotsiny izao: Miverimberina efa ho im-7 000 ao amin’ny Soratra Masina amin’ny teny hebreo tany am-boalohany ny anaran’Andriamanitra. Renisoratra efatra izy io amin’ny teny hebreo. Ny anarany irery no miverimberina be hoatr’izany ao amin’ny Baiboly. Tena tian’i Jehovah hahalala sy hampiasa ny anarany àry isika. *

Tsy ho lasa mpinamana ny olona roa raha tsy mifankahafantatra anarana aloha. Fantatrao ve ny anaran’Andriamanitra?

Mety hisy hieritreritra anefa hoe tsy manaja an’Andriamanitra izy raha manonona ny anarany, satria masina Andriamanitra sady tsy misy mahery noho izy. Marina fa tsy mety ny manala baraka ny anaran’Andriamanitra. Ianao ve izao dia hanala baraka ny anaran’ny namanao? Tian’i Jehovah hanome voninahitra ny anarany sy hampahafantatra izany amin’ny olona anefa izay tia azy. (Salamo 69:30, 31; 96:2, 8) Tadidio fa nampianatra ny mpianany hivavaka i Jesosy hoe: “Rainay izay any an-danitra, hohamasinina anie ny anaranao!” Manamasina ny anaran’Andriamanitra isika raha mampahafantatra azy io amin’ny hafa, ary ho lasa akaiky kokoa azy.—Matio 6:9.

Resahin’ny Baiboly fa mandinika tsara an’izay “misaintsaina ny anarany” Andriamanitra. (Malakia 3:16) Izao no hataony amin’ny olona toy izany: “Harovako izy, satria nanjary nahalala ny anarako. Hiantso ahy izy, dia hamaly azy aho. Ho eo aminy aho raha ory izy.” (Salamo 91:14, 15) Tena mila mahalala sy mampiasa ny anaran’i Jehovah àry isika raha te ho namany akaiky.

^ feh. 4 Mampalahelo fa tsy hita ao amin’ny Baiboly maro ny anaran’Andriamanitra, nefa dia miverimberina ao amin’ny Soratra Hebreo, izay antsoin’ny olona hoe Testamenta Taloha. Nosoloana anaram-boninahitra toy ny hoe “Tompo” na “Andriamanitra” ilay anarana. Manazava bebe kokoa an’izany ny pejy 195-197 amin’ilay boky hoe Inona Marina no Ampianarin’ny Baiboly?, navoakan’ny Vavolombelon’i Jehovah.