Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Ny Tilikambo Fiambenana  |  Novambra 2014

 MATOAN-DAHATSORATRA | TENA MISY VE I SATANA?

Tena Misy ve i Satana?

Tena Misy ve i Satana?

Sarivongana any Madrid, any Espaina, mampiseho hoe anjely ratsy natsipy tetỳ an-tany i Satana

“Izao foana no notenenin’ny neninay tamiko raha vao naditra aho, tamin’izaho mbola kely: ‘Alain’ny Devoly eo ianao a!’ Dia novaliako foana izy hoe: ‘Avelao alainy any!’ Nino an’Andriamanitra mantsy aho fa tsy nino hoe misy i Satana.”—ROGELIO, ANY SALVADAORO.

Mitovy hevitra amin’i Rogelio ve ianao? Iza amin’ireto no hitanao hoe marina?

  • Teny ilazana ny zava-dratsy na ny toetra ratsy fotsiny ny hoe Devoly.

  • Tena misy i Satana fa tsy miraharaha antsika.

  • Anjely matanjaka be i Satana ary tena mahavita mitarika ny olona hanao ratsy.

Samy manana ny mpanohana azy ireo hevitra ireo ary an-tapitrisany mihitsy aza angamba. Tena ilaina ve anefa ny mahalala hoe iza amin’ireo no marina? Eritrereto izao: Raha tsy tena misy i Satana, dia diso hevitra daholo izay mihevitra hoe misy izy. Raha misy indray izy nefa tsy miraharaha antsika, dia mailomailo na matahotra azy tsy amin’antony mihitsy aza ny olona maro. Raha tena manan-kery eo amin’ny fiainan’ny olona kosa izy sady mpamitaka raindahiny, dia tena mampidi-doza mihoatra noho izay eritreretin’ny ankamaroan’ny olona.

Teny ilazana ny toetra ratsy fotsiny ve ny hoe Devoly na Satana? Sa izy io anjely? Raha tena misy izy, mety hampidi-doza anao ve? Inona no azonao atao mba hiarovana ny tenanao? Aleo hojerentsika izay lazain’ny Soratra Masina.