Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA AOGOSITRA 2014

Valin’ireo Fanontaniana Ara-baiboly

Valin’ireo Fanontaniana Ara-baiboly

Avy amin’Andriamanitra ve ny fivavahana rehetra?

Voamarikao angamba rehefa mihaino vaovao ianao fa ampiasain’ny olona hanaovana zava-dratsy ny fivavahana indraindray. Tsy ny fivavahana rehetra mantsy no avy amin’ilay tena Andriamanitra. (Matio 7:15) Hita hoe voafitaka ny ankamaroan’ny olona.—Vakio ny 1 Jaona 5:19.

Hitan’Andriamanitra foana anefa ireo olona tso-po tia fahamarinana sy te hanao ny tsara. (Jaona 4:23) Manasa an’ireny olona ireny izy mba hianatra ny fahamarinana ao amin’ny Teniny, dia ny Baiboly.—Vakio ny 1 Timoty 2:3-5.

Ahoana no hamantaranao ny fivavahana marina?

Mampiray saina ny olona avy amin’ny fivavahana samihafa i Jehovah Andriamanitra. Ampianariny ny fahamarinana izy ireo sady ampianariny hifankatia. (Mika 4:2, 3) Ny fifankatiavan’ny olona ao aminy àry no amantarana ny fivavahana marina.—Vakio ny Jaona 13:35.

Mampiray saina ny karazan’olona rehetra i Jehovah Andriamanitra amin’ny alalan’ny fivavahana marina.—Salamo 133:1

Avy ao amin’ny Baiboly ny zavatra inoan’izy ireo ary ampihariny izay nianarany. (2 Timoty 3:16) Manome voninahitra ny anaran’Andriamanitra koa izy ireo. (Salamo 83:18) Toriny hoe ny Fanjakan’Andriamanitra ihany no fanantenana ho an’ny olombelona. (Daniela 2:44) Manahaka an’i Jesosy izy ireo ka ‘mampamirapiratra ny fahazavany’, izany hoe manao soa amin’ny hafa. (Matio 5:16) Mankany an-tranon’olona izy ireo mba hiresaka momba ny Fanjakan’Andriamanitra. Izay manao an’izany àry no manaraka ny fivavahana marina.—Vakio ny Matio 24:14; Asan’ny Apostoly 5:42; 20:20.

 

Fanampim-panazavana

Inona Ilay Vaovao Tsara avy Amin’Andriamanitra?

Ho fantatrao ao hoe inona ilay vaovao avy amin’Andriamanitra, nahoana izany no mila torina haingana, ary inona no tokony hataonao.

Fivavahana Ankasitrahan’Andriamanitra

Jereo ato ireo zavatra enina amantarana ny fivavahana marina.