Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA JOLAY 2014

Fanontaniana Ara-baiboly

Fanontaniana Ara-baiboly

Nahoana isika no tokony hivavaka?

Tena tian’i Jehovah Andriamanitra raha resahintsika aminy foana izay manahirana antsika. (Lioka 18:1-7) Mihaino vavaka izy satria mitady izay hahasoa antsika. Manasa antsika hivavaka aminy mihitsy aza ilay Raintsika any an-danitra. Nahoana àry raha mba miresaka aminy?—Vakio ny Filipianina 4:6.

Tsy fomba hitadiavana fanampiana amin’Andriamanitra fotsiny anefa ny vavaka. Manampy antsika hifandray tsara aminy koa izy io. (Salamo 8:3, 4) Lasa mpinamana be aminy isika raha resahintsika aminy foana izay ao am-pontsika.—Vakio ny Jakoba 4:8.

Ahoana no tokony hatao rehefa mivavaka?

Tsy mila tia sehoseho na manao tsianjery isika rehefa mivavaka, satria tsy tian’Andriamanitra izany. Tsy misy fihetsika takiny amintsika koa. Tian’i Jehovah kosa isika raha mivavaka amin’ny fo. (Matio 6:7) Nivavaka momba ny olana tao an-tranony, ohatra, i Hana tany Israely fahiny. Vavaka fisaorana kosa no nataony, tatỳ aoriana, rehefa nisinda ny fahoriany.—Vakio ny 1 Samoela 1:10, 12, 13, 26, 27; 2:1.

Manana tombontsoa be isika, satria azontsika resahina amin’ilay Mpamorona foana izay manahirana antsika. Afaka midera sy misaotra azy koa anefa isika noho izay nataony. Tsy tokony hataontsika tsirambina mihitsy àry io tombontsoa sarobidy io.—Vakio ny Salamo 145:14-16.

 

Fanampim-panazavana

Manatòna An’Andriamanitra Amin’ny Alalan’ny Vavaka

Mihaino ny vavaka ataonao ve Andriamanitra? Mamaly an’izany ny Baiboly.