Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA APRILY 2014

Valin’ireo Fanontaniana Ara-baiboly

Valin’ireo Fanontaniana Ara-baiboly

Inona no hataon’i Jesosy amin’ny hoavy?

Tamin’ny taona 33 i Jesosy no maty sy natsangana tamin’ny maty ary niakatra tany an-danitra. Notendrena ho Mpanjaka izy tatỳ aoriana. (Daniela 7:13, 14) Hampihatra ny fahefany izy amin’ny hoavy, ka hampanjaka ny fandriampahalemana eran-tany ary hanafoana ny fahantrana.—Vakio ny Salamo 72:7, 8, 13.

Hanafoana ny tsy rariny eto an-tany i Jesosy rehefa hanjaka

Hanao zavatra tsara be dia be ho an’ny olona i Jesosy rehefa hitondra. Hampiasa ny hery nomen’ny Rainy azy izy, ka hataony lavorary indray ny olona. Ho afaka hankafy ny fiainana eto an-tany izy ireo amin’izay, satria tsy ho faty na ho antitra intsony.—Vakio ny Jaona 5:26-29; 1 Korintianina 15:25, 26.

Inona izao no ataon’i Jesosy?

Mitarika ny asa fitoriana ataon’ny mpanara-dia azy eran-tany izy. Mankany amin’ny olona izy ireo ka mampiseho an’izay lazain’ny Baiboly momba ny Fanjakan’Andriamanitra. Nilaza i Jesosy fa hanohana ny asa ataon’izy ireo foana mandra-pahatongan’ny fotoana hanafoanan’io Fanjakana io ny fanjakan’olombelona.—Vakio ny Matio 24:14; 28:19, 20.

Mitarika ny olona amin’ny alalan’ny fiangonan’ny tena Kristianina i Jesosy, mba hananan’izy ireo fiainana tsara kokoa. Hitarika azy ireo foana izy mandritra ny fotoana handringanana an’ity tontolo ity, ka mandra-pahatongan’ilay tontolo vaovao ampanantenain’Andriamanitra.—Vakio ny 2 Petera 3:7, 13; Apokalypsy 7:17.

Fanampim-panazavana

Inona ny Fanjakan’Andriamanitra?

Maro no mahay tsianjery an’ilay vavaka hoe Rainay Izay any An-danitra. Inona ny dikan’ilay hoe: “Ho tonga anie ny fanjakanao”?