Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA MEY 2013

Fanontaniana Ara-baiboly

Fanontaniana Ara-baiboly

Afaka mahazo famelan-keloka ve isika?

Tsy hoe sarotra loatra ny miezaka hahazo sitraka amin’Andriamanitra

Milaza ny Baiboly fa mpanota daholo ny olona rehetra. Nandova ota avy tamin’i Adama, ilay lehilahy voalohany, isika ka mora manota. Lasa manao ratsy isika indraindray ary manenina avy eo. Maty ho antsika anefa i Jesosy Kristy Zanak’Andriamanitra, mba hanonerana ny fahotantsika. Afaka mahazo famelan-keloka àry isika noho io sorom-panavotana io. Fanomezana avy amin’Andriamanitra izany.—Vakio ny Romanina 3:23, 24.

Nanao fahotana lehibe ny olona sasany ka lasa misalasala raha hamela azy ihany Andriamanitra. Soa ihany fa milaza ny Tenin’Andriamanitra hoe: “Ny ran’i Jesosy Zanany no manadio antsika ho afaka amin’ny ota rehetra.” (1 Jaona 1:7) Avelan’i Jehovah foana na dia ny fahotana lehibe aza raha tena mibebaka ilay nanao ratsy.—Vakio ny Isaia 1:18.

Inona no tokony hataontsika raha tiantsika ho voavela ny helotsika?

Raha tiantsika havelan’i Jehovah Andriamanitra ny helotsika, dia tokony hianatra momba azy isika. Mila mahafantatra ny fomba fanaovany zavatra isika, ny toroheviny, ary ny zavatra takiny amintsika. (Jaona 17:3) Vonona hamela ny helok’izay tena mibebaka sy miezaka miova i Jehovah.—Vakio ny Asan’ny Apostoly 3:19.

Tsy hoe sarotra loatra ny miezaka hahazo sitraka amin’Andriamanitra. Fantatr’i Jehovah tsara ny fahalementsika. Tsara fanahy sy mamindra fo koa izy. Tsy tianao àry ve ny hianatra bebe kokoa hoe ahoana no hampifaliana azy?—Vakio ny Salamo 103:13, 14.

 

Fanampim-panazavana

Ny Vidim-panavotana no Fanomezana Tsara Indrindra

Inona no atao hoe vidim-panavotana? Inona no soa azonao avy amin’izy io?

Iza moa Andriamanitra?

Hoatran’ny ahoana Andriamanitra ary iza no anarany?

Ataovy Izay Asain’Andriamanitra Ataonao

Mila mankatò an’Andriamanitra isika. Ampy ve anefa izany raha te ho namany isika?