Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Ny Tilikambo Fiambenana  |  Aprily 2013

Valin’ireo Fanontaniana Ara-baiboly

Valin’ireo Fanontaniana Ara-baiboly

Sarotra be ve ny mahazo izay lazain’ny Baiboly?

Tenin’Andriamanitra ny Baiboly. Toy ny taratasy avy amin’ny ray be fitiavana izy io. (2 Timoty 3:16) Lazain’Andriamanitra ao hoe inona no azontsika atao mba hampifaliana azy, nahoana no avelany hisy ny fijaliana, ary inona no hataony ho antsika amin’ny hoavy. Nandika vilana ny Baiboly anefa ny mpitondra fivavahana, ka lasa be dia be no mihevitra fa tsy ho azo mihitsy izay lazain’izy io.—Asan’ny Apostoly 20:29, 30.

Tian’i Jehovah Andriamanitra hahafantatra ny marina momba azy kosa isika, ka nataony mora azo ny Baiboly.—Vakio ny 1 Timoty 2:3, 4.

Inona no hanampy anao hahazo izay lazain’ny Baiboly?

Tsy nanome ny Baiboly fotsiny i Jehovah fa manampy antsika hahazo izay voalaza ao koa. Naniraka an’i Jesosy izy mba hampianatra antsika. (Lioka 4:16-21) Nanonona andinin-teny foana i Jesosy rehefa nampianatra, mba hahazoan’ny olona ny Soratra Masina.—Vakio ny Lioka 24:27, 32, 45.

I Jesosy no nanomboka ny asa fitoriana, ary nanorina ny fiangonana kristianina izy mba hanohy an’io asa io. (Matio 28:19, 20) Manampy ny olona hahazo izay lazain’ny Baiboly momba an’Andriamanitra koa ny tena mpanara-dia an’i Jesosy ankehitriny. Vonona hanampy anao ny Vavolombelon’i Jehovah raha te hahazo izay lazain’ny Baiboly ianao.—Vakio ny Asan’ny Apostoly 8:30, 31.

 

Fanampim-panazavana

Inona Marina no Ampianarin’ny Baiboly?

Boky avy Amin’Andriamanitra ny Baiboly

Nahoana ny Baiboly no afaka manampy anao hiatrika olana? Nahoana no azonao itokisana ny faminaniana ao?

NY TILIKAMBO FIAMBENANA

Iza no Afaka Manampy Anao?

Raha tena natao ho azon’ny olona izay voalaza ao amin’ny Baiboly, nahoana ianao no mbola mila olona hanampy anao hianatra azy io?