Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA (FIANARANA) OKTOBRA 2015

“Hajao Hatrany” ny Olona toy Ireny

“Hajao Hatrany” ny Olona toy Ireny

NANENDRY anti-panahy matotra sy za-draharaha ny Filan-kevi-pitantanana mba hanampy an’ireo komity eo anivony, nanomboka tamin’ny 1992. * “Ondry hafa” ireo mpanampy ny Filan-kevi-pitantanana ireo ary tena ilaina ny asany. (Jaona 10:16) Miara-mivory amin’ny komity anendrena azy izy ireo isan-kerinandro, ary manome fanazavana sy soso-kevitra. Rahalahy anisan’ny Filan-kevi-pitantanana anefa no mandray ny fanapahan-kevitra farany. Manatanteraka an’izay hevitra tapaka avy eo ireo mpanampy sady manao asa hafa. Manatrika fivoriamben’ny vondrom-paritra manokana sy fivoriambe iraisam-pirenena miaraka amin’ny rahalahy anisan’ny Filan-kevi-pitantanana koa izy ireo. Mety hotendrena ho solontenan’ny foibe izy ireo ka hasaina mitsidika sampana.

Efa nanomboka tamin’ny 1992 ny rahalahy iray no mpanampy ny Filan-kevi-pitantanana. Hoy izy: “Manam-potoana kokoa hamitana ny andraikiny ny Filan-kevi-pitantanana rehefa manao tsara ny asa asaina ataoko aho.” Efa 20 taona koa ny rahalahy iray no nanampy ny Filan-kevi-pitantanana. Hoy izy: “Tsara lavitra noho izay tombontsoam-panompoana rehetra noeritreretiko ilay izy.”

Azo itokisana sy mazoto miasa ireo mpanampy ny Filan-kevi-pitantanana, ary be dia be ny asa ampanaovina azy. Mankasitraka ny asa tsara vitan’izy ireo ny Filan-kevi-pitantanana. “Hajao hatrany” àry ny olona toy ireny.—Fil. 2:29.

^ feh. 2 Resahina ao amin’ny boky Efa Mitondra ny Fanjakan’Andriamanitra!, pejy 131, ny andraikitr’ireo komity enina eo anivon’ny Filan-kevi-pitantanana.