Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA (FIANARANA) SEPTAMBRA 2012

Porofon’ny Fitiavan’i Jehovah Ireo Sekoly Ara-baiboly

Porofon’ny Fitiavan’i Jehovah Ireo Sekoly Ara-baiboly

I JEHOVAH no tena “Mpampianatra” antsika. (Isaia 30:20) Ny fitiavana no mahatonga azy hampianatra sy hampiofana antsika. Tena tiany, ohatra, i Jesosy, ka asehony azy ny ‘zava-drehetra ataony.’ (Jaona 5:20) Tia antsika Vavolombelony koa izy, ka omeny ny “lelan’ny efa nampianarina” isika, rehefa miezaka manome voninahitra azy sy manampy ny hafa.—Isaia 50:4.

Be fitiavana toa an’i Jehovah koa ny Komitin’ny Fampianarana eo anivon’ny Filan-kevi-pitantanana, ka nandamina sekoly ara-baiboly folo ho an’izay maniry hahazo fiofanana sy afaka manao azy io. Tsapanao ve fa porofon’ny fitiavan’i Jehovah ireny sekoly ireny?

Andeha isika hanao topy maso momba an’ireo sekoly ireo, ary handinika ny tenin’ireo efa nandray anjara tamin’izy ireny. Eritrereto avy eo hoe ahoana no ahafahanao mandray soa avy amin’ireny sekoly ireny.

 MANDRAISA SOA AVY AMIN’NY FAMPIOFANAN’I JEHOVAH

Be fitiavana i Jehovah, ka mampiofana antsika mba hanana fiainana tsara kokoa, hahay hiatrika olana, ary ho faly amin’ny fanompoana. (2 Kor. 13:11) Ny fampiofanan’i Jehovah koa no mahatonga antsika hahay hanampy ny hafa, ka ‘hampianatra azy ireo hitandrina an’izay rehetra’ nandidiana antsika, toa an’ireo Kristianina voalohany.—Mat. 28:20.

Marina fa mety tsy ho afaka hanao an’ireo sekoly rehetra isika. Afaka manao ny sasany anefa isika, ary mampihatra avy eo. Afaka manatsara ny fanompoantsika koa isika, rehefa miara-miasa amin’ireo mpanompon’i Jehovah nahazo fampiofanana.

Afaka miezaka àry ve ianao mba handray anjara amin’ny iray amin’ireo sekoly ireo?

Tombontsoa be ny mandray anjara amin’izy ireny, sady ahazoantsika fampiofanana. Enga anie ka hanampy anao ho akaiky kokoa an’i Jehovah izy ireny, ary hanampy anao hiantsoroka tsara ny asa ankininy aminao, indrindra fa ny asa fitoriana, izay asa tena maika.

 

Fanampim-panazavana

Inona avy ny Sekoly Azon’ny Mpisava Lalana Atao?

Inona ny sekoly natao hampiofanana ny olona manokana fotoana be dia be mba hitoriana?