Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

Ny Tilikambo Fiambenana  |  No. 4 2017

Saika ny fivavahana lehibe rehetra no mino fa manana fanahy tsy mety maty ny olona

 MATOAN-DAHATSORATRA | EFA LALAM-PIAINANA VE NY FAHAFATESANA?

Fanontaniana Manitikitika ny Saina

Fanontaniana Manitikitika ny Saina

SAMY manana ny heviny momba ny fiainana sy ny fahafatesana ny olona. Ao no mino hoe lasa fanahy izy rehefa maty, dia hiaina any ankoatra. Ny hafa mihevitra fa hateraka indray izy, ka lasa olon-kafa na lasa biby. Ao kosa no mino hoe tsy misy intsony fotsiny izy rehefa maty.

Ary ianao? Inona no inoanao? Mety hiankina amin’izay nampianarin’ny ray aman-dreninao anao na ny kolontsainao izany. Hita hoe samy hafa be ny hevitry ny olona momba ny fahafatesana. Aiza àry isika no hahita valiny marina sy azo itokisana?

Efa hatry ny ela ny mpitondra fivavahana no nampianatra fa manana fanahy tsy mety maty ny olona. Saika ny fivavahana lehibe rehetra no mino hoe ny vatana ihany no maty, fa ny fanahy kosa mbola velona any ankoatra. Anisan’izany ny fivavahana kristianina, hindoa, jiosy, ary silamo. Ny Bodista kosa mino fa hateraka indray im-be dia be aloha ny olona iray, vao tonga amin’ilay hoe Nirvana na fahasambarana tonga lafatra.

Lasa mino àry ny ankamaroan’ny olona fa toy ny varavarana idirana any amin’ny tontolo hafa fotsiny ny fahafatesana. Lalam-piainana, hono, izany sady sitrapon’Andriamanitra. Mampianatra an’izany ve anefa ny Baiboly? Asainay ianao hamaky ny lahatsoratra manaraka, fa mety hahagaga anao ny valiny.