Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA NO. 3 2016

Anaran’Andriamanitra, ao amin’ny Baiboly sora-tanana fahiny

Inona no Lazain’ny Baiboly?

Inona no Lazain’ny Baiboly?

Manana anarana ve Andriamanitra?

MISY MILAZA FA tsy manana anarana izy. Ny hafa indray miteny hoe Andriamanitra na Tompo no anarany. Ny sasany kosa mihevitra fa manana anarana be dia be izy. Ahoana ny hevitrao?

IZAY LAZAIN’NY BAIBOLY

“Ianao irery ihany, izay manana anarana hoe Jehovah, no Avo Indrindra ambonin’ny tany manontolo!”—Salamo 83:18.

INONA KOA NO LAZAIN’NY BAIBOLY?

  • Marina fa manana anaram-boninahitra be dia be Andriamanitra. Nilaza anefa izy fa iray ihany ny anarany.—Eksodosy 3:15.

  • Tsy hoe saro-pantarina akory Andriamanitra. Tiany hahafantatra azy isika.—Asan’ny Apostoly 17:27.

  • Mila mahafantatra ny anaran’Andriamanitra aloha ianao raha te ho lasa namany.—Jakoba 4:8.

Tsy mety ve ny manonona ny anaran’Andriamanitra?

AHOANA NY HEVITRAO?

  • Eny

  • Tsia

  • Angamba

IZAY LAZAIN’NY BAIBOLY

“Aza manao tsinontsinona ny anaran’i Jehovah Andriamanitrao.” (Eksodosy 20:7) Ny manao tsinontsinona ny anaran’Andriamanitra ihany no tsy mety, izany hoe ny manao zavatra manala baraka sy tsy manaja ny anarany.—Jeremia 29:9.

INONA KOA NO LAZAIN’NY BAIBOLY?

  • Nahafantatra ny anaran’Andriamanitra i Jesosy sady nampiasa azy io.—Jaona 17:25, 26.

  • Tian’Andriamanitra hampiasa ny anarany isika rehefa mivavaka.—Salamo 105:1.

  • Ataon’ny fahavalon’Andriamanitra izay hahatonga ny olona hanadino ny anaran’Andriamanitra. —Jeremia 23:27.

 

Fanampim-panazavana

Manana Anarana ve Andriamanitra?

Antsoina hoe Mahery Indrindra, Mpamorona, ary Tompo Andriamanitra. Hita im-7 000 eo ho eo ao amin’ny Baiboly anefa ny tena anarany.

Inona no Marina Momba An’Andriamanitra?

Tsy miraharaha anao ve Andriamanitra? Jereo ato ny toetrany sy ny fomba hifandraisana aminy.