Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA NO. 2 2016

Iza moa ny Devoly?

Iza moa ny Devoly?

Iza moa ny Devoly?

AHOANA NY HEVITRAO?

  • Fanahy tsy hita maso ve izy?

  • Sa ny faharatsiana ao anatin’ny olona tsirairay?

  • Sa zavatra foronin’ny sain’ny olona fotsiny?

IZAY LAZAIN’NY BAIBOLY

Niresaka tamin’i Jesosy ny Devoly sady ‘naka fanahy’ azy. (Matio 4:1-4) Tsy zavatra foronin’ny sain’ny olona fotsiny àry ny Devoly. Tsy ny faharatsiana ao anatin’ny olona fotsiny koa izy io. Anjely ratsy ny Devoly.

INONA KOA NO LAZAIN’NY BAIBOLY?

  • Anjely tsara ny Devoly tamin’ny voalohany, saingy “tsy nifikitra tamin’ny marina.” (Jaona 8:44) Lasa mpandainga sy nikomy tamin’Andriamanitra izy.

  • Nisy anjely hafa koa niara-nikomy tamin’i Satana.—Apokalypsy 12:9.

  • Voafitaky ny Devoly ny olona maro, ka lasa tsy mino hoe tena misy izy.—2 Korintianina 4:4.

Manan-kery eo amin’ny olona ve ny Devoly?

MISY MILAZA FA lainga ny hoe afaka mifehy olona ny Devoly. Ny olona sasany kosa matahotra mafy sao dia lasa fehezin’ny fanahy ratsy. Ahoana ny hevitrao?

IZAY LAZAIN’NY BAIBOLY

‘Eo ambany fahefan’ilay ratsy izao tontolo izao manontolo.’ (1 Jaona 5:19) Tena mampirisika ny olona hanao ratsy ny Devoly, saingy tsy ny olona rehetra akory no feheziny.

INONA KOA NO LAZAIN’NY BAIBOLY?

  • Mamitaka ny olona ny Devoly, amin’izay be dia be no manaraka azy.—2 Korintianina 11:14.

  • Afaka mifehy olona ny anjely ratsy indraindray.—Matio 12:22.

  • Afaka manampy anao ‘hanohitra ny Devoly’ Andriamanitra.—Jakoba 4:7.

 

Fanampim-panazavana

Tena Misy ve ny Demonia?

Iza ireo demonia? Ary avy aiza izy ireny?

Nahoana no Avelan’Andriamanitra Hisy ny Fijaliana?

Nanomboka oviana no nisy faharatsiana teto an-tany? Nahoana Andriamanitra no mbola miandry? Mbola hifarana ihany ve ny fijaliana?