Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

MIFOHAZA! APRILY 2014

 NISY NAMORONA VE?

Ny Elatry ny Lolo

Ny Elatry ny Lolo

MAHAGAGA fa madio sy maina foana ny elatry ny lolo. Tsy ho afaka hanidina tsara izy raha tsy izay. Manify kely mantsy ny elany, ka vovoka kely sy piti-drano fotsiny dia efa manavesatra azy. Fa nahoana tokoa ny elatry ny lolo no madio sy maina foana?

Misy kirany madinika kely mifanaingina ny elatry ny lolo

Diniho izao: Nianatra momba an’ilay karazana lolo manga mangirana atao hoe morpho ny mpikaroka tao amin’ny Oniversiten’i Ohio. Hitan’izy ireo fa misy kirany kely mifanaingina hoatran’ny tafo tanimanga ny elany, na dia jerena toa malama aza. Mahagaga koa fa misy tatatra madinika kely milahadahatra eo amin’ireo kirany kely ireo, ka tonga dia mikorisa ho azy izay vovoka na rano milatsaka eo. Miezaka maka tahaka ny firafitry ny elatry ny lolo ny mpikaroka, mba hanamboarana fitaovana tsy mora ipetahan’ny vovoka sy rano.

Maro amin’ny zavatra eo amin’ny natiora no alain’ny mpahay siansa tahaka. Hoy i Bharat Bhushan, mpikaroka: “Feno zavatra be pitsipitsiny mahavariana ny natiora, hatramin’ny kely indrindra ka hatramin’ny lehibe indrindra. Efa hatry ny ela ny olona no nahita hevitra avy tamin’izy ireny.”

Ahoana ny hevitrao? Vokatry ny evolisiona ve ny elatry ny lolo, sa nisy namorona?